پرەزيدەنت ق.توقاەۆ «Egemen Qazaqstan» گازەتىندە 10 جەلتوقسان كۇنى جارىق كورگەن «تەمىر جولدى جاعالاپ توپ بالا ءجۇر» ماقالاسىندا كوتەرىلگەن ماسەلەنى شەشۋدى تاپسىردى. بۇل تۋرالى مەملەكەت باسشىسى Twitter پاراقشاسىندا جازدى. ماقالادا قىزىلوردا وبلىسى ارال اۋدانى سەكسەۋىل كەنتىنىڭ جاڭا اۋدانىندا تۇراتىن 360 وقۋشى ساباققا كەلۋ ءۇشىن كۇندە 13 رەلستى كەسىپ وتەتىنى ايتىلعان ەدى.
«Egemen Qazaqstan» گازەتىندەگى «تەمىر جولدى جاعالاپ توپ بالا ءجۇر» اتتى ماقالادان سەكسەۋىل كەنتىندە 360 بالا كۇندەلىكتى مەكتەپكە بارۋ ءۇشىن 13 رەلستى كەسىپ وتەتىنىن وقىدىم. بۇل – وتە وزەكتى ماسەلە. ونى شەشۋ ءۇشىن ۇكىمەت ناقتى شارالار قابىلداۋى قاجەت» دەپ جازدى قاسىم-جومارت توقاەۆ Twitter پاراقشاسىندا.