قازاقستاننىڭ تاۋەلسىزدىك العانىنا شيرەك عاسىردان اسىپ وتىر. ەلىمىزدىڭ باستى مەرەكەسىنە وراي, 2019 جىلدىڭ 10 جەلتوقسان كۇنى الماتى قالاسى قوعامدىق دامۋ باسقارماسىنىڭ تاپسىرىسى بويىنشا حالىقارالىق «جاناشىر» قوعامدىق قورى «پاتريوتتىق رۋح – باستى قۇندىلىق» بىرلەسكەن جوباسىن جۇزەگە اسىرىپ وتىر. وسى باستاما اياسىندا اتالمىش قور قازاقستان جازۋشىلار وداعىنىڭ ۇلكەن كونتسەرت زالىندا پاتريوتتىق اندەر مەرەكەلىك كەشىن وتكىزدى.
جاستاردى ەلجاندىلىققا شاقىرعان كەشكە وت جۇرەكتى, وجەت مىنەزدى جەلتوقسان كوتەرىلىسىنە قاتىسقان سول بۋىننىڭ وكىلدەرى شاقىرىلدى.
كونتسەرتكە ەسترادا جۇلدىزدارى, اتاپ ايتقاندا, قر ەڭبەك سىڭىرگەن ارتىستەرى گۇلنار سيقىمباەۆا, بايعالي ەسەناليەۆ, رەسپۋبليكالىق بايقاۋلاردىڭ لاۋرەاتى, قر مادەنيەت قايراتكەرى گۇلميرا اقۇرپەكوۆا, جاستار ءسۇيىپ تىڭدايتىن «جەبە» توبى, «سالتانات» ءان-بي ءانسامبلىنىڭ ءانشىسى مەيىرگۇل نۇرماعانبەتوۆا مەن تالانتتى جاس انشىلەر جۇباي عازيز, سۋلەيمەن شالقار, سالتانات مىرزاباەۆا, التىناي مالىك, قۋات قونىسبەكوۆ, قىدىرمولداەۆتار توبى, قاسىم ەدىگە, امانعازى كارىپجان, نابيجان بايتەكوۆ, داۋرەن بايمىرزا, ءانشى, «بالاپان» تەلەارناسىنىڭ جۇرگىزۋشىسى ءاديا بۇرحانوۆا, «بالداۋرەن», «گۋنچيلار» توپتارى ۇلتتىق-پاتريوتتىق شىعارمالاردى ورىنداپ, كورەرمەن رۋحىن كوتەرىپ, تاماشا سەزىمگە بولەدى.
جەلتوقسانشى اقىندار امانعازى كارىپجان, ءنابيجان بايتەكوۆتەر جۇرەكتەرىنەن شىققان پاتريوتتىق ولەڭدەرىن وقىپ, جەلتوقسان كارتيناسىن كوپشىلىكتىڭ كوز الدىنا الىپ كەلدى.
كەشكە جينالعان جاستار رۋحتانىپ, ەرەكشە سەزىممەن تارقاستى.
الماتى