وبلىس ورتالىعىنداعى «كۆازار» ورتالىق بازارىندا «حالال ونىمدەر» ءبولىمى اشىلدى. بۇل جەردە جىلقى, قوي ەتى جانە باسقا دا ءسۇت ونىمدەرى, ءدامدى تاعامدار رامازان ايىندا ارزان باعامەن ساتىلۋدا.
سول سياقتى, بۇگىندەرى قانىش ساتباەۆ, كۋتۋزوۆ كوشەلەرى بويىندا, قالا ىشىندەگى بارلىق باعىتتاردا جۇرەتىن ترامۆايلاردا «ورازا قابىل بولسىن!» دەگەن جازۋلاردى كورۋگە بولادى. ءبىر كۇن بولسا دا جاستارىمىزعا وي سالار يمان-ساۋاپ, عيبادات, تازالىقتىڭ قادىر-قاسيەتىن بىلگەننەن, جاقسىلىق جاساپ جارىسقاننىڭ ارتىعى جوق. قالا اكىمدىگىنىڭ ۇيىمداستىرۋىمەن ءماشھۇر ءجۇسىپ مەشىتىنىڭ اسحاناسىندا كۇن سايىن وبلىس ورتالىعىنداعى مەكەمەلەر مەن كاسىپورىندار اۋىزاشار بەرۋدە. وعان تۇرمىسى تومەن, كوپبالالى وتباسى مۇشەلەرى, سوعىس جانە ەڭبەك ارداگەرلەرى, زاعيپ جاندار, بالالار ۇيلەرى, قارتتار ءۇيى, جالعىز باستى قارتتار, الەۋمەتتىك از قامتىلعان ادامدار دا شاقىرىلۋدا.
فاريدا بىقاي,
«ەگەمەن قازاقستان».
پاۆلودار.