پارلامەنت دەپۋتاتتارىنىڭ ەل وڭىرلەرىندەگى سايلاۋشىلارمەن, ەڭبەك ۇجىمدارىمەن, وقۋ ورىندارىنداعى وقىتۋشىلار قۇرامىمەن جانە ستۋدەنتتەرمەن كەزدەسۋلەرى جالعاسۋدا. حالىق قالاۋلىلارىنىڭ ەكى اي دەمالىستارىنىڭ ءبىر ايى وسىنداي جۇزدەسۋلەرگە ارنالاتىنى بەلگىلى. ءتۇرلى كەزدەسۋلەردە جۇرتشىلىق وكىلدەرىنە ەلباسى ن.نازارباەۆتىڭ «قازاقستان-2050» ستراتەگياسىنىڭ نەگىزگى باسىمدىقتارى, جالپىعا ورتاق ەڭبەك قوعامىنا قاراي 20 قادام ۇستانىمدارىنىڭ باستى باعىتتارى ناسيحاتتالىپ, تۇسىندىرىلۋدە.
تومەندە سونداي كەزدەسۋلەردىڭ ءبىر توبى جايىنداعى ەسەپتەر جاريالانىپ وتىر.
پارلامەنت سەناتىنىڭ دەپۋتاتتارى الەكساندر ساۆچەنكو مەن ەرتارعىن استاەۆ تارازدا ازاماتتاردى قابىلداۋ وتكىزدى.
ادامداردىڭ پارلامەنت دەپۋتاتتارىنا قويعان ساۋالدارى كوبىنەسە الەۋمەتتىك ماسەلەلەرگە ارنالدى. قاراستىرىلعان پروبلەمالار قاتارىندا گاز, ەلەكتر, سۋمەن قامتاماسىز ەتۋ, تاريفتىك ساياسات, تۇرعىن ءۇي ماسەلەلەرى بولدى.
كەزدەسۋگە پارلامەنت ءماجىلىسىنىڭ دەپۋتاتى نادەجدا نەستەروۆا جانە قالالىق اكىمدىك وكىلدەرى قاتىستى.
* * *
پارلامەنت سەناتىنىڭ دەپۋتاتى, ەكونوميكالىق دامۋ جانە كاسىپكەرلىك كوميتەتىنىڭ حاتشىسى سارسەنباي ەڭسەگەنوۆ اتىراۋ جانە اقتاۋ كاسىپكەرلەرىمەن كەزدەستى.
ولاردى جۋىردا قابىلدانعان «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» زاڭنىڭ نەگىزگى ەرەجەلەرىمەن تانىستىردى. كەزدەسۋگە ءوڭىرلىك دامۋ مينيسترلىگى, جەرگىلىكتى اتقارۋشى جانە وكىلدى بيلىك, «اتامەكەن» وداعى» ۇلتتىق ەكونوميكالىق پالاتاسى وكىلدەرى قاتىستى.
سەناتور اتاپ وتكەندەي, جاڭا زاڭ كاسىپكەرلىكتى ىنتالاندىرۋ جانە بيزنەس قاۋىمداستىعى مەن مەملەكەتتىك بيلىك ورگاندارىمەن ءوزارا ءتيىمدى ارىپتەستىكتى دامىتۋ ءۇشىن ورايلى قۇقىقتىق, ەكونوميكالىق جانە الەۋمەتتىك جاعدايدى قامتاماسىز ەتۋ ماقساتىمەن قابىلداندى. سونداي-اق, زاڭ جەكە كاسىپكەرلەر بىرلەستىكتەرى قىزمەتىنە قولداۋ كورسەتەتىن بولادى.
* * *
پارلامەنت ءماجىلىسىنىڭ دەپۋتاتى, «نۇر وتان» حدپ» فراكتسياسىنىڭ مۇشەسى قۋانىش سۇلتانوۆ الماتى وبلىسىنىڭ شەكارالىق ايماعى – پانفيلوۆ اۋدانى سايلاۋشىلارىمەن كەزدەستى.
ول سايلاۋشىلارعا قازاقستان پرەزيدەنتى, پارتيا توراعاسى نۇرسۇلتان نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىنان جانە «نۇر وتان» حدپ-نىڭ «قازاقستان. 2017 ماقساتتارى. ۇلتتىق ءىس-قيمىل جوسپارى» تۇعىرناماسىنان تۋىندايتىن مىندەتتەردى جۇزەگە اسىرۋ بارىسىن ءتۇسىندىرىپ بەردى.
جاركەنت كراحمال-سىرنە زاۋىتى جانە پوليپروپيلەن قاپ زاۋىتىنىڭ ۇجىمدارىمەن كەزدەسىپ, جەرگىلىكتى تۇرعىنداردىڭ تۇرمىس جاعدايلارىمەن تانىستى. «بەشيروۆ» شارۋا قوجالىعىندا بولعان كەزىندە شارۋالارعا استانانىڭ 15 جىلدىق مەرەيتويىنداعى ەلباسى سوزىنە توقتالىپ ءوتتى.
* * *
پارلامەنت ءماجىلىسىنىڭ دەپۋتاتى, «نۇر وتان» پارتياسىنىڭ پارلامەنتتىك فراكتسياسى جەتەكشىسىنىڭ ورىنباسارى ەرگەن دوشاەۆ, ءماجىلىس دەپۋتاتتارى تولەگەن يبراەۆ پەن نۇرتاي سابيليانوۆ شىعىس قازاقستان وبلىسى ۇلان اۋدانىنىڭ ق.قايسەنوۆ اتىنداعى كەنتىندە سايلاۋشىلارمەن كەزدەسۋ وتكىزدى.
ءماجىلىس دەپۋتاتتارى سايلاۋشىلارعا ەلباسىنىڭ «قازاقستان-2050» ستراتەگياسى, «نۇر وتان» پارتياسىنىڭ اعىمداعى جۇمىسى جانە پارلامەنتتە قابىلدانعان نەگىزگى زاڭدار تۋرالى ايتىپ بەردى. سونىمەن بىرگە, زەينەتاقى جۇيەسىن رەفورمالاۋدىڭ قاجەتتىگى, جەرگىلىكتى ءوزىن ءوزى باسقارۋداعى تىڭ وزگەرىستەر, اكىمدەردىڭ سايلاۋى تۋرالى اڭگىمە قوزعادى.
* * *
پارلامەنت ءماجىلىسىنىڭ دەپۋتاتى الماس تۇرتاەۆ قىزىلوردا وبلىسىنىڭ اۋدان ورتالىقتارى مەن ۇلكەندى-كىشىلى اۋىلدارىندا حالىقپەن كەزدەسۋلەر وتكىزدى.
سايلاۋشىلارمەن بولعان كەزدەسۋلەردىڭ باستى تاقىرىبى مەملەكەت باسشىسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋى بولدى.
دەپۋتات ارال اۋدانىنداعى شالعاي ورنالاسقان قوسامان جانە اقەسپە اۋىلدىق ەلدى مەكەندەرى حالقىنىڭ جاعدايىمەن تانىستى. حالىقتىڭ ءال-اۋقاتىن ارتتىرۋ ەلباسى ساياساتىنىڭ نەگىزگى باعىتى. بارلىق جۇمىستار الەۋمەتتىك ماسەلەلەردى شەشۋگە باعىتتالعان. كەشەگى كۇنىمىز بەن بۇگىنگى كۇنىمىزدى سالىستىرۋعا كەلمەيدى. جاعداي جاقسى. پروبلەمالار نازاردان تىس قالمايدى, دەدى ا.تۇرتاەۆ كەزدەسۋلەر كەزىندە.
* * *
پارلامەن