الماتىداعى بالۋان شولاق اتىنداعى مادەنيەت جانە سپورت كەشەنىندە كونفەدەراتسيا كۋبوگى جولىنداعى جارىستىڭ بوكسشىلار اراسىنداعى جارتىلاي فينالدىق سايىسى ءوز مارەسىنە جەتتى.
العاشقى جارتىلاي فينالدىق باسەكە تۇركىستان مەن قاراعاندى وبلىسى وكىلدەرى اراسىندا ءوتتى. بۇل جارىستىڭ باستى سەنساتسياسى – 57 كيلو سالماق دارەجەسىندە ونەر كورسەتكەن اتاقتى بوكسشى, الەم چەمپيونى قايرات ەراليەۆتىڭ ەسىمى كوپشىلىككە بەيمالىم رۇستەم شاۋمەنوۆكە ويدا-جوقتا جەڭىلۋى. دەسەك تە بۇل تارتىس تۇركىستاندىقتاردىڭ پايداسىنا شەشىلدى. ساكەن بيبوسىنوۆ (52 كيلو), بەكداۋلەت يبراگيموۆ (69 كيلو), بەك نۇرماعانبەت (81 كيلو), ابزال قۇتتىبەكوۆ (91 كيلو) جانە نۇرلان ساپارباي (+91 كيلو) سىندى ساڭلاقتار ءوز قارسىلاستارىنا سان سوقتىردى. ناتيجەسىندە تۇركىستان وبلىسى 5:3 ەسەبىمەن جەڭسكە جەتتى.
كەلەسى جارتىلاي فينالدىق باسەكەدە نۇر-سۇلتان قالاسى مەن ماڭعىستاۋ وبلىسىنىڭ قۇرامالارى شەبەرلىك بايقاستى. بۇل سايىس ەلوردالىق بىلعارى قولعاپ شەبەرلەرىنىڭ پايداسىنا شەشىلدى. ەسەپ – 5:3.