ەرتەڭ ساعات 12.00-دە ەلورداداعى «الاۋ» مۇز سارايىندا كونكيمەن جۇگىرۋدەن الەم كۋبوگى كەزەڭىنە ارنالعان ءباسپاسوز كونفەرەنتسياسى وتەدى. شاراعا قازاقستاننىڭ كونكيمەن جۇگىرۋ ۇلتتىق فەدەراتسياسىنىڭ پرەزيدەنتى بولات جامىشەۆ, ۇلتتىق قۇرامانىڭ باس جاتتىقتىرۋشىسى دميتري بابەنكو قاتىسادى. بۇل تۋرالى مسم سپورت جانە دەنە شىنىقتىرۋ ىستەرى كوميتەتىنىڭ ءباسپاسوز قىزمەتى حابارلادى.
وسى ورايدا نۇر-سۇلتانعا الەمنىڭ 26 مەملەكەتىنەن 200-دەن استام سپورتشى كەلەدى. ولاردىڭ قاتارىندا ءۇش دۇركىن وليمپيادا چەمپيونى مارتينا سابليكوۆا (چەحيا), وليمپيادا ويىندارىنىڭ جۇلدەگەرى ولگا فاتكۋلينا (رەسەي), وليمپيادا چەمپيونى جانە جۇلدەگەرى يورريت بەرگسما (گوللانديا) جانە باسقا دا جۇلدىزدار كەلەدى دەپ كۇتىلۋدە.
قازاقستاندى اتالعان جارىستا جاڭا جاتتىقتىرۋشى – دميتري بابەنكو باستاعان جاڭارتىلعان قۇرام تانىستىرادى. ولاردىڭ قاتارىندا 2013 جىلعى الەم چەمپيونى دەنيس كۋزين, جاسوسپىرىمدەر اراسىندا جەڭىمپازدار ەكاتەرينا ايدوۆا جانە رومان كرەچ, سونىمەن قاتار, بولاشاعىنان ۇلكەن ءۇمىت كۇتتىرەتىن – ستانيسلاۆ پالكين, دميتري موروزوۆ, ارتەم كريكۋنوۆتار بار. ۇلتتىق قۇراما اتالعان كەزەڭگە ءاربىر قاشىقتىق بويىنشا بەس سپورتشى قويا الادى. بۇل جاتتىقتىرۋشى قۇرامىنا ۇلتتىق قۇراماداعى سپورتشىلاردى پروتسەسسكە قوسۋعا مۇمكىندىك بەرەدى.
جارىس 6-8 جەلتوقسان ارالىعىندا «الاۋ» مۇز سارايىندا وتەدى.
جانكۇيەرلەرگە كىرۋ تەگىن.