ءبىرىنشى ورتا سالماقتا جۇدىرىقتاساتىن قازاقستاندىق جاس تالانتتى بوكسشى سادريددين احمەدوۆ 7 جەلتوقساندا كەزەكتى جەكپە-جەگىن داۆيد لەمە (40-4, 34كو) مەن ماكس بۋرساك (35-5-2, 16كو) ايقاسىنىڭ اندەركارتىندا وتكىزەدى.
كانادانىڭ مونرەال قالاسىندا وتەتىن بوكس كەشىندە ول «تسۋنامي» لاقاپ اتىمەن تانىمال ارگەنتينالىق حوسە انتونيو ۆيليالوبوسپەن (12-5-2, 7كو) جۇدىرىقتاسادى. WBC نۇسقاسى بويىنشا جاستار اراسىنداعى الەم چەمپيونى بۇگىنگە دەيىن ون جەكپە-جەك وتكىزىپ, توعىز كەزدەسۋىن مەرزىمىنەن بۇرىن اياقتاعان بولاتىن.
ەسكە سالا كەتسەك, سادريددين احمەدوۆ كاسىپقوي بوكستاعى ونىنشى جەكپە-جەگىن قازان ايىنىڭ سوڭىندا وتكىزىپ, 31 جاستاعى مەكسيكالىق دجونني ناۆاررەتەنى (33-15-2, 15كو) تەحنيكالىق نوكاۋتپەن جەڭگەن ەدى.