ەۋروپا ليگاسىندا توپتىق كەزەڭنىڭ بەسىنشى تۋرىنداعى ماتچتا ەلوردانىڭ «استاناسى» «مانچەستەر يۋنايتەد» كلۋبىن جەڭگەننەن كەيىن قازاقستان ۋەفا كلۋبتار كوەففيتسيەنتى رەيتينگىندە 24-ورىنعا كوتەرىلدى.
ۋەفا كوەففيتسيەنتتەرىنىڭ كەستەسى بويىنشا, يسپانيا – 93.426 ۇپايمەن رەيتينگتىڭ كوشىن باستاپ تۇر. ەكىنشى ورىندى 82.033 ۇپايمەن انگليا يەلەنسە, ۇزدىك ۇشتىكتى 65.355 ۇپايمەن گەرمانيا تۇيىندەدى. ال قازاقستان 25-تەن 24-ورىنعا جوعارىلادى. قورجىنىندا 19.375 ۇپاي بار. قازاقستاننان كەيىنگى ورىندارعا بەلارۋس – 18.875 (25-ورىن), ازەربايجان – 18.500 (26), بولگاريا – 17.125-27) ورنالاستى.
2019-2020 جىلعى ەۋروماۋسىمنان باستاپ قاۋىمداستىققا مۇشە بارلىق كلۋبتاردىڭ سوڭعى بەس جىلداعى ناتيجەلەرى ەسەپكە الىنادى. ياعني, 2014-2015 جىلعى ماۋسىمدا جيناعان ۇپايلار ەسەپكە كىرمەيدى.