سارىوزەكتە سۋ جاڭا شاعىن اۋدان سالىندى

سارىوزەك اۋىلىندا سالىنعان جاڭا ءۇيدىڭ قۇرىلىسىنا جەرگىلىكتى بيۋدجەتتەن 285 500 تەڭگەقارجى ءبولىنىپتى. ال تۇرعىن ءۇي الابىنىڭ ينجەنەرلىك-كوممۋنيكاتسيالىق جەلىلەرىن جاساقتاۋ ءۇشىن 106 756 تەڭگە قاراجات قاراستىرىلعان ەكەن.

- سارىوزەكتە جاڭا شاعىن اۋداندا بوي كوتەردى. «نۇرلى جەر» مەملەكەتتىك باعدارلاماسى بويىنشا سالىنعان 18 تۇرعىن ءۇي يەسىن تاپتى. باسپانا نەگىزىنەن از قامتىلعان, كوپبالالى وتباسىلارعا, مۇمكىندىگى شەكتەۋلى جاندارعا, اۋعان سوعىسىنىڭ ارداگەرلەرىنە, مۇعالىمدەر مەن دارىگەرلەرگە, جانە مەملەكەتتىك قىزمەتكەرلەرگە بەرىلدى. تۇرعىنداردى باسپانامەن قامتاماسىز ەتۋ جۇمىسى الداعى ۋاقىتتا دا جالعاسا بەرەدى. قازىر اۋداندا  سەگىز جۇزدەن اسا ادام ءۇي كەزەگىندە تۇر, ونىڭ اراسىندا 148 كوپبالالى انا بار, - دەيدى كەربۇلاقاۋدانىنىڭ اكىمى ماحاببات بيگەلديەۆ.

جالپى, اۋىل شارۋاشىلىعىنا ارقا سۇيەگەن كەربۇلاق ءوڭىرى بيىلعى جىلدى تابىسپەن قورتىندىلاپ وتىر. اۋداندا وندىرىلگەن اگروونەركاسىپ ونىمدەرى 35 ميلليارد تەڭگەدەن اسىپ, جىل باسىندا بولجانعان كورسەتكىش اسىرا ورىندالعان.

اۋىل شارۋاشىلىعى سالاسىن قارجىلاي قولداۋدىڭ ناتيجەسىندە ديقان مەن شارۋانىڭ ءىسى وڭعا باستى. بيىلدىڭ وزىندە 3 شارۋا قوجالىعى مەن 12 جەكە كاسىپكەر 65 ميلليون تەڭگە كولەمىندە جەڭىلدەتىلگەن نەسيە العان. بۇل ءوز كەزەگىندە اۋدانداعى جەر يگەرۋگە جان ءبىتىرىپ, ەگىستىك القابىنىڭ كولەمى ۇلعايتقا. مال شارۋاشىلىعى دا دامىپ, ءتورت ت ۇلىك تۇياعى كوبەيدى. ونەركاسىپ تە ىلگەرلەۋدە. اۋدانداعى ونشاقتى قايتا وڭدەۋ كاسىپورنى 17 000 توننا شيكىزاتتى وڭدەپ, 9 690 توننا ءونىم شىعارعان ەكەن.