باسىلىمدى مەرەيتويىمەن قۇتتىقتادى

حالىقارالىق ۇيىمنىڭ توراعاسى قازاق ءباسپاسوزىنىڭ قارا شاڭىراعى «Egemen Qazaqstan»گازەتىن قۇرىلعانىنا 100 جىل تولۋىمەن ەۋرازيا جازۋشىلار وداعىنىڭ اتىنان قۇتتىقتايتىنىن ايتىپ, جىلى لەبىزدەرىن جولداعان.

«ەۋرازيا قۇرلىعىمەن ادەبي جانە مادەني بايلانىس ورناتقان جازۋشىلار قۇرىلىمىنىڭ باسشىسى رەتىندە ءبىر عاسىرلىق تاريحىندا وزىندىكجولىن قالىپتاستىرعان, زامان كوشىنە ساي ىلەسىپ كەلەتىن باسىلىمنىڭ جاڭالىقتارىنان حاباردارمىن. باسىلىمنىڭ نەگىزگى وقىرماندارىقازاقستاندىقتار بولسا دا, ديزاينى, حابارلارى ارقىلى الەم باسىلىمدارى اراسىندا قازاقستان جۋرناليستيكاسىنىڭ ايناسى ىسپەتتەس. ءسىز باسقارىپ وتىرعان گازەت بىرنەشە عاسىرلىق باسپا تاريحى بار ەلدەردىڭ گازەتتەرىنەن كەم تۇسپەيتىن باسىلىمعا اينالدى.

تۇركى الەمىنىڭ كوشباسشىسى نۇرسۇلتان نازارباەۆتىڭ «رۋحاني جاڭعىرۋ», « ۇلى دالانىڭ 7 قىرى» سياقتى ماقالالارى مەن مەملەكەت باسشىسى قاسىم-جومارت توقاەۆ, قازاقستان ۇكىمەتىنە قاتىستى ناقتى ءارى مازمۇندى حابارلاردى گازەتتەن وقي الۋ مۇمكىندىگى قۋانتادى. سونىمەن قاتار «Egemen Qazaqstan» گازەتىندە تۇركى الەمى ادەبيەتى مەن مادەنيەتىنىڭ جاۋھارلارىنىڭ كورىنىس تابۋى ءبىز ءۇشىن مارتەبە.

جاس ءارى جىگەرلى گازەت ۇجىمىن 100 جىلدىق مەرەيتويىمەن قۇتتىقتاي وتىرا, باسىلىم تاريحىنا ەڭبەگى سىڭگەندەرگە ۇزاق ءومىر, دۇنيەدەن وتكەن ارداگەرلەرگە راحىم تىلەيمىن» دەلىنگەن قۇتتىقتاۋ حاتىندا.