جەتىسۋدىڭ كوشباسشى جاستارى ماراپاتتالدى

جەتىسۋ جاستارىنىڭ جەتىستىگىن سارالاپ, قاتارلاستارىنان وزعان ۇل-قىزدى ماراپاتتايتىن جوبا الماتى وبلىسى اكىمىنىڭ قولداۋىمەن ءداستۇرلى تۇردە وتكىزىلىپ كەلەدى. بيىل دا ءوڭىردىڭ كوشباسشى جاستارى «ۇزدىك جاس مەملەكەتتىك قىزمەتشى», «ۇزدىك جاس سپورتشى,  «ۇزدىك جاستار ءىسى جونىندەگى ادىسكەر-نۇسقاۋشى», «اۋداندىق جاستار رەسۋرستىق ورتالىعىنىڭ ۇزدىك مامانى», «اۋىل شارۋاشىلىعىنىڭ ۇزدىك مامانى»,  «ۇزدىك ستۋدەنت», «ۇزدىك جاس اسكەري - قىزمەتكەر», «جاس ۇلان» بىرىڭعاي بالالار مەن جاسوسپىرىمدەر ۇيىمىنىڭ ۇزدىك كوشباسشىسى», «ۇزدىك جاس عالىم», «ۇزدىك جاس وتباسى», «ۇزدىك جاس كاسىپكەر», «ۇزدىك جاس باتىر», «ۇزدىك جاس ادەبيەتشى», «ۇزدىك جاس ەرىكتى», «ۇزدىك جاس ونەرپاز», «ۇزدىك جاس دارىگەر», «ۇزدىك جاس ۇستاز», «جاسىل ەل» جاساعىنىڭ ۇزدىك ساربازى», «جاستار ۇكىمەتتىك ەمەس ۇيىمىنىڭ ۇزدىك كوشباسشىسى» جانە «ۇزدىك جاس جۋرناليست»  نوميناتسيالارى بويىنشا انىقتالدى. جەڭىمپازدارعا وبلىس اكىمىنىڭ ارنايى ديپلومى مەن اقشالاي سىيلىق بەرىلدى.

- ءوڭىر تۇرعىندارىنىڭ ۇلەسىن بەلسەندى جاستار دا قۇرايدى. بۇگىندە 400 مىڭنان استام جاس ءتۇرلى سالادا ەڭبەك ەتەدى. ولارمەن جۇمىستى جۇيەلى تۇردە جۇرگىزۋ ماقساتىندا ايماقتا اۋقىمدى ىستەر اتقارىلۋدا. جوعارى جانە ارناۋلى ورتا وقۋورىندارىندا 206 ستۋدەنتكە وبلىس اكىمىنىڭ ارنايىگرانتىن تاعايىنداپ, وعان 174 ميلليون تەڭگەبولىندى. سونداي-اق, بۇگىندە «ديپلوممەن – اۋىلعا»باعدارلاماسى, «جاستار تاجىريبەسى» ارقىلى جاسماماندارعا زور قولداۋ كورسەتىلىپ وتىر, - دەدى كوشباسشى جاستاردى قۇتتىقتاعان وبلىس اكىمى اماندىق باتالوۆ.