ماڭعىستاۋ وبلىسى تۇپقاراعان اۋدانى اكىمدىگىنىڭ عيماراتىندا «ماڭعىستاۋ – ادالدىق الاڭى» جوبالىق كەڭسەسىنىڭ تۇپقاراعان اۋداندىق فيليالى اشىلدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسى بويىنشا دەپارتامەنتىنىڭ ءباسپاسوز قىزمەتى حابارلادى.
فيليالدىڭ اشىلۋ سالتاناتىنا اۋدان اكتيۆتەرى جينالىپ, كەڭسە لەنتاسىن ماڭعىستاۋ وبلىسى اكىمىنىڭ ورىنباسارى, «ماڭعىستاۋ – ادالدىق الاڭىنىڭ» كۋراتورى ق.جۇماشەۆ جانە ماڭعىستاۋ وبلىسى بويىنشا سىبايلاس جەمقورلىققا قارسى قىزمەت دەپارتامەنتى باسشىسىنىڭ ءبىرىنشى ورىنباسارى س.قانىبەكوۆ قيدى.
دەپارتامەنت قىزمەتكەرلەرىنىڭ ايتۋىنشا, تۇرمىستىق جەمقورلىققا قارسى جوبالىق كەڭسە ەندىگى جەردە تۇپقاراعاندىقتاردىڭ ارىز-شاعىمدارى مەن ۇسىنىستارىن نازارعا الىپ, اۋدان كولەمىندەگى جەمقورلىقتىڭ دەڭگەيىن تومەندەتۋگە ءوز ۇلەسىن قوساتىن بولادى.
ماڭعىستاۋ وبلىسى