قازاقستاندا مەملەكەتتىك شەكارانى مەجەلەۋ مەن شەگەندەۋدى جۇرگىزۋدى تەحنيكالىق قامتاماسىز ەتۋ ۇدەرىسىن زاڭنامالىق رەتتەۋ جوسپارلانىپ وتىر. ونىڭ ىشىندە, كارتوگرافيالىق, گەودەزيالىق, توپوگرافيالىق, گيدروگرافيالىق جانە اەروفوتوتۇسىرىلىم جۇمىستارىن جۇرگىزۋ تۋرالى ايتىلادى. بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ ءباسپاسوز قىزمەتى حابارلادى.
بۇل نورما «گەودەزيا جانە كارتوگرافيا تۋرالى» زاڭمەن گەودەزيا جانە كارتوگرافيا سالاسىنداعى ۋاكىلەتتى ورگاننىڭ قۇزىرەتىندە كوزدەلگەنىن اتاپ وتەمىز.
بۇل جاڭا ەنگىزىلىم «قازاقستان رەسپۋبليكاسىنىڭ مەملەكەتتىك شەكاراسىن مەجەلەۋ مەن شەگەندەۋدى جۇرگىزۋدى تەحنيكالىق قامتاماسىز ەتۋ تۋرالى قاعيدالاردى بەكىتۋ تۋرالى» قازاقستان رەسپۋبليكاسى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى بۇيرىعىنىڭ جوباسىنا ەنگىزۋگە ۇسىنىلادى.
بۇيرىق جوباسىن قابىلداۋ الەۋمەتتىك-ەكونوميكالىق جانە قۇقىقتىق سالدارلارعا اكەپ سوقپايدى. سونداي-اق مەملەكەتتىك بيۋدجەتتەن قوسىمشا قارجى شىعىندارىن قاجەت ەتپەيدى.