كەڭەسشى ورگاندار جۇمىسى قارالدى

قازاقستان رەسپۋبليكاسىنىڭ مەملەكەتتىك حاتشىسى قىرىم­بەك كوشەرباەۆ قازاقستان رەس­پۋبليكاسىنىڭ پرەزيدەنتى جانىنداعى كونسۋلتاتيۆتى-كەڭەسشى ورگانداردىڭ جۇمىسىن ودان ءارى جەتىلدىرۋ ماسەلەسىنە ارنالعان كەڭەس  وتكىزدى.

مەملەكەتتىك حاتشى «ۋاقىت تالابىنا سايكەس, رەسپۋبليكالىق كوميسسيالار جۇمىسىن جانداندىرىپ, جاڭاشىلدىقتار ەنگىزۋ – ءبارىمىزدىڭ ورتاق مىندەتىمىز. ەڭ باستىسى كوميسسيا شەشىمدەرى ەلىمىز ءۇشىن ناقتى ناتيجەلەر بەرۋى ءتيىس», – دەپ اتاپ كورسەتتى.

كەڭەستە رەسپۋبليكالىق كو­ميس­سيالاردىڭ قۇرامىن زيا­لى قاۋىم, ازاماتتىق سەكتور جانە ۇكىمەتتىك ەمەس ۇيىمداردىڭ وكىل­دەرىمەن جاڭارتۋ, مەملەكەت باس­شىسىنىڭ تالابىنا سايكەس بيلىك پەن قوعام اراسىنداعى ديا­لوگتى ودان ءارى تەرەڭدەتۋ, كوميس­سيالار جۇمىسىن زامانعا ساي جەتىلدىرۋدە حالىقارالىق تاجى­ريبەنى زەردەلەۋ ماسەلەلەرى تال­قىلاندى, دەپ حابارلادى پرە­زيدەنتتىڭ ءباسپاسوز قىزمەتى.