بىرلەسكەن جوبالاردىڭ الەۋەتى زور

تاراپتار ەكىجاقتى ىنتىماقتاس­تىقتى نىعايتۋدىڭ كەلەشەگىن تالقى­لادى. س.جاقسىبەكوۆ جوعارى ساياسي دەڭ­گەيدە ءوزارا ساپارلاردى پىسىق­تايتىن ۋاقىت كەلگەنىن اتاپ ءوتتى.

سەناتتاعى كانادامەن ىنتى­ماق­تاستىق جونىندەگى توپتىڭ جەتەكشىسى پارلامەنتارالىق ۇنقاتىسۋدى ودان ءارى ۇدەتۋ تۋرالى ايتا كەلىپ, كانادالىق پارلامەنتشىلەر دەلەگاتسياسىنىڭ 2017 جىلعى قاڭتارداعى ساپارىنا ريزاشىلىعىن ءبىلدىردى جانە قازاقستان پار­لامەنتتىك دەلەگاتسياسىنىڭ كانا­داعا ساپارىن پىسىقتاۋ قاجەت­تىگىنە توقتالدى.

سەرىك جاقسىبەكوۆ پارلامەنت سەنات­ى­­نىڭ ءرولى مەن قىزمەتى تۋرالى حابار­دار ەتىپ, بۇگىنگى تاڭدا قازاقستان پار­لا­مەن­تىن­دە 36 دەپۋتات ايەل بار ەكەنىن جەتكىزدى.

تاراپتار كەلەشەكتە ساۋدا-ەكونو­مي­كالىق قاتىناستاردى نىعايتۋ ماسەلەلەرىن تالقىلادى. سەنات كومي­تەتىنىڭ باسشىسى كانادالىق بيز­نەس­­تىڭ ءبىزدىڭ ەكونوميكامىزعا بارىن­شا بەلسەندى تۇردە قاتىسۋىنا قازاق­ستاننىڭ مۇددەلى ەكەنىن اتاپ ءوتتى. 2019 جىلدىڭ قاڭتار-تامىز ايلارىندا ەكى ەل اراسىنداعى تاۋار اينالىمى 344 ملن دوللاردى قۇرادى, بۇل وتكەن جىلعى وسى مەرزىممەن سالىستىرعاندا 2 ەسەدەن كوپ.

سەرىك جاقسىبەكوۆ كانادامەن حالىق­ارالىق ارەنادا, ونىڭ ىشىندە بۇۇ, ەقىۇ, يىۇ جانە باسقا دا حالىق­ارالىق فورۋمدار اياسىندا بەلسەن­دى ىنتىماقتاستىققا دايىن ەكەندى­گىن اتاپ ءوتتى. ول قازاقستاننىڭ بىتىمگەر­شىلىك الەۋەتى ەداۋىر ۇلعايعانىن, دامۋعا رەسمي كومەكتىڭ ۇلتتىق جۇيەسى قۇرىلعانىن ايتتى. نيۋ-يوركتە بۇۇ باس اسسامبلەياسىنىڭ الاڭىندا پرە­زيدەنت ق.توقاەۆ ءبىزدىڭ ەلىمىزدە ور­نىقتى دامۋ ماقساتتارىن ىلگەرىلەتۋ جو­نىن­دەگى وڭىرلىك ورتالىق قۇرۋدى ۇسىن­عان بولاتىن. «وسى سالالاردا تا­جىريبە الماسۋ مەن كانادامەن بىرلەس­كەن جوبالاردى ىسكە اسىرۋدىڭ الەۋەتى زور دەپ سانايمىز», – دەدى سەناتور.

س.ديون بۇل ساپار ەكىجاقتى قارىم-قاتىناستاردى نىعايتۋعا ىقپال ەتە­تىنىن اتاپ ءوتتى. ول بۇۇ قاۋىپسىزدىك كەڭە­سىنىڭ تۇراقتى ەمەس مۇشەسى رەتىندە حالىق­ارالىق قاۋىپسىزدىكتى نىعايتۋعا قازاقستاننىڭ قوسقان قوماقتى ۇلەسىن اتاپ ءوتتى. «2021-2022 جىلدارى وسى لاۋازىمعا ءبىز لايىقتى مۇراگەر بولامىز دەپ ۇمىتتەنەمىن», دەدى كانادا پرەمەر-ءمينيسترىنىڭ ەۋروپالىق وداق جانە ەۋروپا جونىندەگى ارناۋلى ۋاكىلى.