سەنات توراعاسى داريعا نازارباەۆا رەسپۋبليكالىق كاسىپكەرلەرگە كومەك كورسەتۋ ورتالىعىنىڭ ديرەكتورى دميتري كازانتسەۆپەن كەزدەستى.
كەزدەسۋ بارىسىندا شاعىن جانە ورتا بيزنەس قىزمەتىن زاڭنامالىق رەتتەۋدى جەتىلدىرۋ ماسەلەلەرى تالقىلاندى.
«تۇڭعىش پرەزيدەنت – ەلباسى نۇرسۇلتان نازارباەۆ پەن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ءوز سوزدەرىندە شاعىن جانە ورتا بيزنەستى دامىتۋ ماسەلەلەرىنە ۇنەمى نازار اۋدارىپ كەلەدى. كاسىپكەرلىك پەن ينۆەستيتسيالار ماسەلەلەرىن رەتتەيتىن قولدانىستاعى زاڭنامالىق بازا جەتىلدىرۋدى قاجەت ەتەدى دەپ سانايمىن. بۇگىن وسى سالا وكىلدەرىن تىڭداۋ, كوتەرىلگەن ماسەلەلەردى تالقىلاۋ جانە شەشىمدەر ۇسىنۋ ءسىز بەن ءبىزدىڭ مىندەتىمىز», – دەدى داريعا نازارباەۆا.
دميتري كازانتسەۆتىڭ ايتۋىنشا, بۇگىنگى تاڭدا سالىقتىق اكىمشىلەندىرۋ جانە جەكە كاسىپكەرلىك قىزمەتىنىڭ تۇرلەرىن رەتتەۋدە بىرقاتار وزەكتى ماسەلەلەر بار. شاعىن جانە ورتا بيزنەستى جىكتەۋدى قايتا قاراۋ قاجەت. حالىقتىڭ قارجىلىق ساۋاتتىلىعىن جاقسارتۋ – بولەك ماسەلە. د.كازانتسەۆ سونداي-اق سەناتورلارعا ەلىمىزدىڭ شالعاي ەلدى مەكەندەرىندە تەگىن زاڭ كەڭەستەرىن كورسەتۋ ءۇشىن اكىمشىلىك رەسۋرستاردىڭ جەتىسپەۋشىلىگى تۋرالى حاباردار ەتتى.
داريعا نازارباەۆا ءوز كەزەگىندە دميتري كازانتسەۆتىڭ باستامالارىنا قولداۋ ءبىلدىرىپ, تالقىلانعان ماسەلەلەردى شەشۋ ۇلگىلەرىن ازىرلەۋ ءۇشىن سەنات دەپۋتاتتارى مەن كاسىپكەرلەردىڭ بىرلەسكەن جۇمىسىن ۇيىمداستىرۋدى ۇسىندى, دەپ حابارلادى پارلامەنت سەناتىنىڭ ءباسپاسوز قىزمەتى.