Digital Centre ورتالىعىندا مەملەكەت باسشىسىنا تۇرعىندار مەن ەل قوناقتارىنا قىزمەت كورسەتەتىن ەلەكتروندى ۇكىمەت جۇيەسى تانىستىرىلدى. بۇل تۋرالى اقوردا حابارلادى.
قاسىم-جومارت توقاەۆقا eGov mobile ءموبيلدى قوسىمشاسى, Facebook, Vkontakte الەۋمەتتىك جەلىلەرى مەن Telegram مەسسەندجەرى ارقىلى مەملەكەتتىك قىزمەت الۋدىڭ جاڭا مۇمكىندىكتەرى مەن ارتىقشىلىقتارى كورسەتىلدى. سونىمەن قاتار 2020 جىلعا قاراي مەملەكەتتىك قىزمەت كورسەتۋدىڭ 90 پايىزىن تسيفرلىق فورماتقا كوشىرۋ جوسپارى تۋرالى دا ايتىلدى.
– باستىسى – ساپا مەن جەدەل قىزمەت كورسەتۋ. ءبىز جوعارى تەحنولوگيالاردى پايدالاناتىن الدىڭعى قاتارلى ەل بولۋىمىز كەرەك دەپ ويلايمىن, – دەدى مەملەكەت باسشىسى.
بۇگىندە Digital Centre ورتالىعىندا 1220 ادامنىڭ بيومەتريالىق دەرەگى تىركەلگەن. وسىنىڭ ارقاسىندا ولار وزدەرىنىڭ جەكە قۇجاتتارىن كورسەتپەي-اق مەملەكەتتىك قىزمەت الا الادى. ورتالىق قاشىقتان ۆيدەو-سەرۆيس ارقىلى قىزمەت كورسەتەدى. سونداي-اق ەلوردا تۇرعىندارى بۇل جەردە تسيفرلىق ساۋاتتىلىق داعدىلارىن مەڭگەرەدى.