جاس عالىم, PhD الينا كيم ءبىلىم جانە عىلىم مينيسترلىگى مەن دۇنيەجۇزىلىك بانكتىڭ ۇزدىك جوبالاردى قولداۋ باعدارلاماسى شەڭبەرىندە كوشەنى قاتقاقتان تازارتاتىن قۇرىلعى ويلاپ تاپتى.
الەمنىڭ ەڭ ۇزدىك وقۋ ورىندارىندا تاعىلىمدامادان وتكەن الينا د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە جۇمىس ىستەيدى.
– مەنىڭ جاساپ شىعارعان قۇرىلعىم كولىك جولى مەن تروتۋاردى قار مەن مۇزدان تازالايدى. قازىر قاتقاقتى كەتىرەتىن حيميكاتتار قولدانىلادى, بىراق ول جولدىڭ اسفالت جابىندىسىن دا بۇلدىرەدى. مەنىڭ جاڭالىعىم مەحانيكالىق تۇرعىدا جۇمىس ىستەيدى. ەگەر قارجى سالعىسى كەلەتىن ينۆەستور تابىلسا, جۋىق ارادا نارىققا شىعامىز دەپ ايتا الامىن. ويتكەنى جاڭالىعىمنىڭ تابىستى بولارىنا سەنىمدىمىن, بارلىق ماتەماتيكالىق قۇرامداستارىن ويلاستىردىق, تەحنيكالىق زەرتتەۋ جۇرگىزدىك, – دەيدى ول.
جاس عالىم بەرلين تەحنيكالىق ۋنيۆەرسيتەتىندە تاعىلىمدامادان وتكەن. مينيسترلىك پەن دۇنيەجۇزىلىك بانكتىڭ PhD ارنالعان گرانتتىق باعدارلاماسى وعان ماگيستراتۋرادا باستاعان زەرتتەۋلەرىن جالعاستىرۋعا جول اشتى. ايتۋىنا قاراعاندا, قازاقستاندا گرانتتىق باعدارلامالار كوپ, PhD ايىرماشىلىعى قاتىسۋشىلارعا ءوز زەرتتەۋلەرىن تولىق كولەمدە دامىتۋعا جانە ءوز ناتيجەلەرىن رەيتينگتىك عىلىمي باسىلىمداردا جاريالاۋعا مۇمكىندىك بەرەدى.
– مەن Scopus دەرەكتەر بازاسىنا كىرەتىن جۋرنالعا ءبىر ماقالامدى جاريالادىم. سونداي-اق Thomson Reuters بازاسىنا كىرەتىن جۋرنالعا جاريالاۋ ءۇشىن تاعى ءبىر ماقالا جىبەرىپ, وعان وڭ رەتسەنزيا الدىم. تاعىلىمداما بارىسىندا زەرتتەۋلەرىمنىڭ تاقىرىبى بويىنشا ماتەماتيكالىق جانە كومپيۋتەرلىك مودەل ازىرلەدىم. باعدارلاما ماعان حالىقارالىق دەڭگەيدە ماتەريالدى دايىنداۋدا شەتەلدىك تاجىريبە بەردى. گرانت بويىنشا جۇمىس شىعارماشىلىق تۇرعىدا شىڭدايدى, بىراق ۇلكەن جاۋاپكەرشىلىكتى تالاپ ەتەدى, – دەيدى ول.
PhD ارنالعان گرانت اياسىندا زەرتتەۋشىلەر قازاقستاندا عانا ەمەس, سونىمەن قاتار شەتەلدە دە سۇرانىسقا يە بولاتىن حالىقارالىق پاتەنتكە ءوتىنىم بەرە الادى.
ايزەرە سامارقان