ارميا حالىقارالىق ويىندارىندا جاقسى ناتيجە كورسەتكەنى ءۇشىن سەرجانت اقجول قوسجانوۆ II دارەجەلى «ەل قورعانى» مەدالىمەن ماراپاتتالدى. ول 2 جىل قاتارىنان «اسكەري بارلاۋ ۇزدىكتەرى» سايىسىندا ءوزىن كومانداداعى ۇزدىك تەحنيك رەتىندە كورسەتە ءبىلدى.
قۇرلىق اسكەرلەرى اسكەري ينستيتۋتىنىڭ ءباسپاسوز قىزمەتىنەن حابارلاعانىنداي, سەرجانت اقجول قوسجانوۆ قۇرلىق اسكەرلەرىنىڭ اسكەري ينستيتۋتىندا قىزمەت ەتەدى. ول قىزمەت بارىسىندا كۋرسانتتارعا اسكەري تەحنيكانىڭ قىر-سىرلارىن ۇيرەتەدى. ول تاباندى, ەرىك-جىگەرى مول, دىتتەگەن ارمانىنا قول جەتكىزە بىلەتىن ادام. ءوزىنىڭ تاباندىلىعىنىڭ ارقاسىندا حالىقارالىق قازىلار القاسىنىڭ مۇشەلەرىنە تەحنيكالىق ءبىلىمىن, جوعارى دارەجەلى شەبەرلىگىن, دالالىق جانە تەحنيكالىق داعدىسىن كورسەتىپ, مويىنداتا ءبىلدى.
الماتى