نىسانا كوزدەۋ جانە ستەند اتۋدان كاتار استاناسى دوحادا ءوتىپ جاتقان ليتسەنزيالىق ازيا چەمپيوناتىندا قازاقستان قورجىنىنا العاشقى جۇلدە ءتۇستى. بۇل تۋرالى Olympic.kz حابارلادى.
ستەند اتۋدان «تراپ» باسەكەسىندە قازاقستان قىزدار قۇراماسى كوماندالىق ەسەپتە چەمپيون اتاندى.
سارسەنكۇل رىسبەكوۆا, اناتاسيا داۆىدوۆا جانە ماريا دميتريەنكو ۇشتىگى 341 ۇپايمەن قۇرلىقتا كوش باستادى. كۇمىس جۇلدە قىتاي, قولا جۇلدە تايپەي سپورتشىلارىنىڭ ەنشىسىندە.
سونداي-اق سارسەنكۇل رىسبەكوۆا جەكەلەي سىندا فينالعا جولداما الدى.