«ازىرەت سۇلتان» مەملەكەتتىك تاريحي-مادەني قورىق-مۋزەيىنە قاراستى ءرابيا سۇلتان بەگىم كەسەنەسىن مۋزەيلەندىرۋ جۇمىستارى اياقتالىپ, كەلۋشىلەرگە ەسىگى اشىلدى. بۇل تۋرالى قورىق-مۋزەيدىڭ ءباسپاسوز قىزمەتى حابارلادى.
كەسەنە ىشىندە ارنايى ورىندىقتار قويىلىپ, تۇلعالار جايلى مالىمەتتەر مەن ءتول جادىگەرلەرى ورنالاستىرىلعان.
قوجا احمەت ياساۋي كەسەنەسىنەن 50-60 مەتردەي جەردە ورىن تەپكەن كوك كۇمبەزدى ءرابيا سۇلتان بەگىم - ەرەكشە قاستەرلەنەتىن مۇرانىڭ ءبىرى. ورتاعاسىرلىق ساۋلەت ونەرى ەسكەرتكىشى ءامىر تەمىردىڭ نەمەرەسى, ۇلىقبەكتىڭ قىزى, ابىلقايىر حاننىڭ ايەلى, بەلگىلى حاندار كوكەنشى مەن ءسۇيىنىشتىڭ اناسى رابيعا سۇلتان بەگىمگە ارنايى سالدىرىلعان.
بۇل كەسەنەنىڭ قۇلپىتاسى قوجا احمەت ءياساۋيدىڭ كەسەنەسىنەن تابىلعان. قۇلپىتاستا بەگىمنىڭ ءامىر تەمىردىڭ ۇلى ۇلىقبەكتىڭ قىزى ەكەندەگى,1485 جىلى قازا بولعاندىعى جازىلادى. العاشىندا 8 بۇرىشتى ءبىر كامەرالى, تسيليندر تارىزدەس بارابانعا بەكىتىلگەن بيىك كۇمبەزى بار قۇرىلىس رەتىندە سالىنىپ, كەيىننەن كوپ كامەرالى شارشى جوسپارلى قۇرىلىستارمەن تولىقتىرىلعان.
كەسەنە ىشىندە ءرابيا سۇلتان بەگىم, نەمەرەسى كەلدى مۇحاممەد سۇلتان سۇيىنىشقوجا ۇلى, شوبەرەلەرى ءماستۋرا حانىم كەلدىمۇحاممەدقىزى, مۇباراك شاح كەلدىمۇحاممەد ۇلى, قۇل مۇححامەد سۇلتان كەلدىمۇحاممەد ۇلى جەرلەنگەن.