ۇزدىك الەۋمەتتىك جوبالار انىقتالدى

بيىل بايقاۋعا قاتىسۋعا 224 ءوتىنىم كەلىپ ءتۇستى, ونىڭ ىشىندە وڭىرلىك كەزەڭ بارىسىندا 57 جوبا تاڭداپ الىندى. الپىس شاقتى جوبانى قاراپ شىققان كوميسسيا مۇشەلەرى «قازاقستاننىڭ ۇزدىك الەۋمەتتىك جوبالارى» رەسپۋبليكالىق كورمەسىنىڭ قاتى­سۋشىلارىن انىقتادى. ولاردىڭ ىشىندە الماتى قالاسىنان 4 جوبا, جامبىل وبلىسىنان 2 جوبا, شىم­كەنت قالاسى, پاۆلودار, قوستا­ناي, الماتى, اقتوبە, تۇركىس­تان, باتىس قازاقستان جانە سولتۇس­تىك قازاقستان وبلىستارىنان 1 جوبادان ۇسىنىلدى.

كوميسسيا قۇرامىنا ەڭبەك جانە حالىقتى الەۋمەتتىك قورعاۋ مي­نيسترلىگىنىڭ وكىلدەرى, پارلا­مەنت دەپۋتاتتارى, بيزنەسمەندەر, ۇەۇ جانە باق باسشىلارى, سونداي-اق الەۋمەتتىك سالا اردا­گەر­لەرى كىردى. بيىلعى جوبالار «الەۋ­مەتتىك پروبلەمالاردى شە­شۋدى اقپاراتتىق ىلگەرىلەتۋ», «الەۋمەتتىك سالاداعى ۆولون­تەرلىك قوزعالىستى دامىتۋ», «تەڭ مۇمكىندىكتەردى قامتاماسىز ەتۋ», «مۇگەدەكتىگى بار ادامداردى قوسا العاندا, ازاماتتاردى جۇمىسپەن قامتۋعا كومەك كورسەتۋ» جانە «ومىرلىك قيىن جاعدايلاردى جەڭۋگە كومەك كورسەتۋ» سىندى 5 باعىت بويىنشا باعالاندى.

قۇتتىقتاۋ ءسوز سويلەگەن ب.سا­پارباەۆ الەۋمەتتىك قىز­مەت­­كەر ماماندى­عىنىڭ قانشا­­لىقتى ماڭىزدى ءارى جاۋاپتى ەكەندىگىن  باسا ايتتى.

كونكۋرس جەڭىمپازدارىن قۇت­تىق­تاي وتىرىپ, ءبىرجان نۇرىم­بەتوۆ ولاردىڭ جۇمىسىنىڭ ماڭىزىن اتاپ كورسەتتى.

الماتى وبلىسىنىڭ ء«اداپ­تيۆتى اتقا ءمىنۋ» جوباسىنىڭ ۇيلەس­تىرۋشىسى قۋانىش نۇرما­حام­بەت «قازاقستاننىڭ ۇزدىك الەۋ­مەتتىك جوبالارى» كونكۋرسىنىڭ جەڭىمپازى اتاندى. بۇل جوبا يپپوتەراپيا بويىنشا قىزمەت كورسەتۋ ارقىلى ەرەكشە قاجەتتىلىكتەرى بار بالانىڭ دەنە بەلسەندىلىگىن دامىتۋعا باعىتتالعان. قۋانىش نۇرماحامبەتتىڭ ايتۋىنشا, ەكى جىل ىشىندە 80-گە جۋىق ادام اتقا ءمىنۋ ارقىلى اقىسىز وڭالتۋ قىزمەتتەرىن العان. وسىنىڭ ناتي­جەسىندە مۇگەدەكتىگى بار بالا­لارداعى ۆەستيبۋليارلى جانە تىرەك-قيمىل اپپاراتى مەن بارلىق بۇلشىق ەت توپتارىنىڭ فۋنكتسيالارى جاقسارىپ, ۆەگەتاتيۆتى جۇيكە جۇيەسىنە وڭ اسەرىن تيگىزدى.

ەكىنشى ورىنعا الماتىلىقتار ءلاززات قالتاەۆانىڭ «مۇگەدەكتىگى بار قىزدارعا ار­نالعان جەكە ءومىر مەكتەبى» جانە راي­سا سىپابە­كو­ۆانىڭ «شىڭعا ورلەۋ» الەۋ­مەتتىك كلۋبى جوبالارى يە بولدى.

«مۇگەدەكتىگى بار قىزدارعا ارنالعان جەكە ءومىر مەكتە­بى» جوباسى مۇمكىن­دىك­تەرى شەكتەۋ­لى جاستاردى قوعامعا ىقپال­­داس­­­تىرۋعا, ەلدە ينكليۋزيۆتى قوعام قۇرۋعا با­­عىتتالعان. مۇندا ولارعا مۇگەدەك­­تىككە قاتىستى قورقىنىش پەن قاۋىپسىز­د­­ىكتى جەڭۋگە كومەك كورسەتىلەدى, ءوزىن-ءوزى با­­عالاۋدى جوعارىلاتۋ مەن ءوز ءومىرىن جوس­­پار­لاۋ جانە شەشىم قابىلداۋ داعدىلارىن قالىپتاستىرۋ بويىنشا جۇمىس جۇرگىزىلەدى.

«شىڭعا ورلەۋ» جوباسى كوپ بالالى جانە تابىسى از وتباسىلاردا تاربيە­لە­نەتىن مەكتەپ جاسىنداعى بالالارعا ومىر­لىك تاجىريبەنى, ءبىلىم مەن داعدىلاردى بەرۋدىڭ ۇيلەسىمدى پروتسەسىن قا­لىپتاستىرۋ ارقىلى ءارتۇرلى فورماتتاعى ناتيجەلى, ەكى جاقتى قارىم-قاتىناس جاساۋدىڭ ناتي­جەسىندە ومىردە قيىن جاعدايعا تاپ بولعان اعا بۋىن وكىلدەرىن قوعام ومىرىنە تارتۋدى كوزدەيدى.

ءۇشىنشى ورىندى سولتۇستىك قازاقستان وبلىسىنان كەلگەن ءسا­لىمحان ءسابيتوۆتىڭ «تەڭ جول» جانە قوستاناي وبلىسىنان ايسۇلۋ جۇماباەۆانىڭ «مۇگە­دەكتىگى بار ادامداردى قوسا العان­دا, ازاماتتاردى جۇمىسپەن قامتۋ­عا كومەك كورسەتۋ» اتتى جوبالارى يەلەندى.

ءسالىمحان ءسابيتوۆتىڭ جوباسى قولمەن باسقارىلاتىن كولىكتە اۆتوموبيل كۋرس­تارىن ۇيىم­داس­تىرۋ جانە جۇرگىزۋشى كۋالىكتەرىن بەرۋ ارقىلى تىرەك-قيمىل اپپاراتى بۇزىلعان ادامداردى وقىتۋدى ۇيىمداستىرۋ. مۇگەدەكتىگى بار ايەلدەردى جۇمىسقا ورنالاستىراتىن تىگىن تسەحى – ايسۇلۋ جۇماباەۆانىڭ تابىستى جوباسى.

بايقاۋ قورىتىندىسى بويىنشا 1 ورىن – 1,5 ملن تەڭگە, 2 ورىن – 1 ملن تەڭگە, 3 ورىن – 500 مىڭ تەڭگەلىك اقشالاي سەرتيفيكاتتارمەن, ديپلومدارمەن جانە ستەللالارمەن ماراپاتتالدى. بارلىق فيناليستەرگە العىس حاتتار مەن سىيلىق سەرتيفيكاتتارى تابىس ەتىلدى.

سونىمەن قاتار ەڭبەك جانە حالىقتى الەۋمەتتىك قورعاۋ مينيس­ترلىگىنىڭ سايتىندا وتكىزگەن ونلاين داۋىس بەرۋ ناتيجەلەرى بويىن­شا ەڭ كوپ داۋىس جيناعان ءۇش جەڭىمپاز انىقتالدى. ولار­­دىڭ قاتارىندا 1 ورىنعا پاۆلو­دار وبلىسىنان سۆەتلانا كاچۋ­را­نىڭ «جۇرەك ۇنىمەن» جوباسى (9911 داۋىس), 2 ورىنعا نۇر-سۇل­­تان قالاسىنان ەۆ­گەنيا چەبوتا­رەۆسكايانىڭ «شۋاق­تى الەم» جو­باسى (8422 داۋىس), 3 ورىنعا شىم­كەنتتىك كاميلا يش­مەتوۆانىڭ «ەرەكشە بالالارعا ارنالعان اكۆا تەراپياسى» جوباسى (5100 داۋىس) تۇراقتادى. ون­لاين داۋىس بەرۋ جەڭىمپازدارى باعالى سىيلىقتارمەن ماراپاتتالدى.

سالتاناتتى شارا گۇلزيرا بوكەيحان, نۇرعالي تۇرلىبەكوۆ, تامارا اسار, عادىلبەك جاناي, ەرحان تولەيبەك, قازاق ساڭىراۋ­لار قوعامى, قازاق فيلارمونيا­سىنىڭ ۇجىمى جانە «نازار» توبى­نىڭ قاتىسۋىمەن ۇيىمداس­تى­رىلعان كونتسەرتكە ۇلاستى.

ەستەرىڭىزگە سالا كەتەيىك, «قازاق­ستاننىڭ ۇزدىك الەۋمەتتىك جوبالارى» كونكۋرسى وزەكتى الەۋمەتتىك ماسەلەلەردى شەشۋگە, سونىڭ ىشىندە مۇگەدەكتىگى بار جانە مۇگەدەك بالالارى بار وتباسىلاردى وڭالتۋعا, مۇمكىندىكتەرى شەكتەۋلى ادامدارعا الەۋمەتتىك ينفراقۇرىلىم نىساندارىنا كەدەرگىسىز قولجەتىمدىلىكتى قام­تاماسىز ەتۋگە, جۇمىسقا ورنا­لاسۋعا, سونداي-اق ولاردىڭ قۇقىق­تارىن ىسكە اسىرۋعا جانە قورعاۋعا باعىتتالعان جوبالاردى قولداۋ ماقساتىندا وتكىزىلەدى. 2013 جىلدان باستاپ 2019 جىلعا دەيىن كونكۋرسقا قاتىسۋعا 1 192 ءوتىنىم بەرىلدى, ونىڭ ىشىندە وڭىرلىك دەڭگەيدە 228 الەۋمەتتىك جوبا جانە رەسپۋبليكالىق دەڭگەيدە 19 جوبا جەڭىمپاز دەپ تانىلدى, دەپ حابارلادى پرەمەر-ءمينيستردىڭ ءباسپاسوز قىزمەتى.