تاريف وزگەرۋى مۇمكىن

«ازاماتتارعا ارنالعان ۇكىمەت» مەملە­كەت­تىك كورپوراتسياسىنىڭ ورتالىق فيليالى ديرەكتورىنىڭ ورىنباسارى مۇحتار ەركە­بۇلاننىڭ ايتۋىنشا, 2019 جىلدىڭ 1 قاڭ­تارىنان باستاپ مىندەتتى الەۋمەتتىك مەديتسينالىق ساقتاندىرۋ جۇيەسى ىسكە قو­سىل­عان­نان كەيىن كاسىپكەرلىكپەن تىركەۋسىز اينالىساتىن ادامداردى مەديتسينالىق قىزمەت تۇرلەرىمەن قامتۋ ءۇشىن بىرىڭعاي جيىنتىق تولەمدەر ەنگىزىلدى.

– بجت-نى تولەۋشىلەر جۇيەگە قاتىسۋ وتىلىنە بايلانىستى جيناقتاۋشى زەينەتاقى جۇيە­سىنە قاتىسا الادى جانە بازالىق زەي­نەتاقى تولەمىن الا الادى. بىرىڭعاي جي­ناق­تاۋشى زەينەتاقى قورىنداعى ءوزىنىڭ زەي­نەت­اقى جيناعىن تولىقتىرۋمەن قاتار, بجت تولەۋشىلەر ءۇشىن ەڭبەك ءوتىلى بەكىتىلگەندىكتەن, با­زا­لىق زەينەتاقىنى جوعارىلاعان مولشەر­مەن الۋىنا بولادى. سونىمەن قاتار ەڭبەك قا­بىلەتتىلىگىنەن, وتباسى اسىراۋشىسىنان ايى­رى­لۋ, جۇكتىلىك جانە بوسانۋ, بالا اسىراپ الۋ جانە بالا كۇتىمى جاعدايلارىندا الەۋمەتتىك جاردەماقى الا الادى, – دەدى م.ەركەبۇلان.

 «ازاماتتارعا ارنالعان ۇكىمەت» مەملەكەتتىك كورپوراتسياسى باسقارما اپپاراتىنىڭ قارجى-ەكونوميكالىق دەپارتامەنتىنىڭ ديرەكتورى دانيار سقابىلوۆ قارالىپ وتىرعان تاريف جوباسى كورپوراتسيانىڭ ۇسىناتىن قىزمەتتەرى اياسىندا ازىرلەنگەنىن, ولار «بجزق» اق, «ماسق» اق, ء«مامس» كەاق مەملەكەتتىك كىرىس ورگانىنا سومالاردى ۋاقىتىلى وڭدەۋگە جانە اۋدارۋدى جۇزەگە اسىرۋعا مۇمكىندىك بەرەتىنىن ايتتى.

– كورپوراتسيامىز – ء«بىر تەرەزە» قاعيداسى نەگىزىندە جەكە جانە زاڭدى تۇلعالارعا مەملە­كەت­تىك قىزمەتتەردى كورسەتۋ سالاسىنداعى قىز­مەت­تى جۇزەگە اسىراتىن بىرىڭعاي پروۆايدەر. قوعامداعى مەملەكەتتىك مونوپولياعا كىرەتىن قىزمەتتەردىڭ باعاسىن ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ, باسەكەلەستىكتى جانە تۇتىنۋشىلاردىڭ قۇقىقتارىن قورعاۋ جونىندەگى كوميتەت قادا­عا­لايدى. وسى ورايدا مىندەتتى الەۋمەتتىك مەدي­تسينالىق ساقتاندىرۋ قورىنا – 40%, مەم­لە­كەت­تىك الەۋمەتتىك ساقتاندىرۋ قورىنا – 20%, بىرىڭعاي جيناقتاۋشى زەينەتاقى قورىنا – 30% جانە رەزيدەنتتىڭ تۇرعىلىقتى جەرى بويىنشا ءتيىستى بيۋدجەتكە – 10% جارنا اۋدارىلاتىنىن ايتا كەتكەن ءجون, – دەدى سقابىلوۆ.

كۆازيمەملەكەتتىك ورگان بجت سومالارىن بولۋگە جانە اۋدارۋعا بايلانىستى ءبىر تاپ­سى­رىس­تىڭ قۇنىن – 63 تەڭگە مولشەرىندە, قاتە ورىندالعان جاعدايدا قايتارىم سوماسىن – 978 تەڭگە شاماسىندا بەلگىلەۋ ۇسىنىلىپ وتىر.

كورپوراتسيا وكىلدەرى بجت تولەۋشىلەر ءۇشىن تابىس سالىعى جانە الەۋمەتتىك تولەمدەردىڭ ەڭ تومەنگى مولشەرلەرمەسى بەلگىلەنگەنىن اتاپ ءوتتى. قالا مەن اۋىل تۇرعىندارىنىڭ كىرىس­تە­رىن­دەگى ايىرماشىلىقتى ەسكەرە وتىرىپ, ەلوردا, رەسپۋبليكالىق, وبلىستىق ماڭىزى بار قالا تۇرعىندارىنا ونىڭ مولشەرى 1 اەك-ءتى نەمەسە 2 525 تەڭگەنى, ال باسقا ەلدى مەكەندەردىڭ تۇرعىندارى ءۇشىن – 0,5 اەك-ءتى نەمەسە 1 262,5 تەڭگەنى قۇرايدى.