گرەتسيا مەملەكەتىنىڭ كريك ارالىندا وتكەن بايراقتى باسەكەدە جەرلەسىمىز 48 كەلى سالماقتا توپ جارىپ, التىننان القا تاقتى. جەڭىستىڭ جالاۋىن جەلبىرەتىپ كەلگەن سپورشى قىزدى جەرلەستەرى قۋانا قارسى الدى.
ەليزاۆەتا وبلىس ورتالىعىنداعى №2 ورتا مەكتەپتىڭ 9 سىنىپ وقۋشىسى. سپورتتىڭ وسى تۇرىمەن بەس جىلعا جۋىق اينالىسۋدا. دجيۋ-دجيتسۋدان وتكەن قازاقستان چەمپيوناتىندا دا سان مارتە مەرەيى ۇستەم بولعان.تورتكۇل دۇنيە كوز تىككەن ءدۇبىرلى جارىستا جەرلەسىمىز ەل ءۇمىتىن اقتادى. الەمنىڭ ءار قيىرىنان كەلگەن 500-گە جۋىق سپورتشىنىڭ اراسىنان ءوز سالماعىندا توپ جاردى.
– مەن 48 كەلى سالماق دارەجەسىندە سىنعا ءتۇستىم. بارلىعى 4 كەزدەسۋ وتكىزدىم. ابىروي بەرگەندە التىن مەدال يەلەندىم. جارىسقا تىڭعىلىقتى دايىندالىپ بارعاندىعىمنىڭ ناتيجەسى شىعار. سايىس وتە شيەلەنىستى ءوتتى. اسىرەسە, گرەتسيانىڭ ءوز سپورتشىسىمەن وتكەن جەكپە-جەك قيىنداۋ بولدى,–دەيدى الەم چەمپيونى.
ەلىمىزدىڭ 7 سالماق دارەجەسىندە سىنعا تۇسكەن سپورشىلارىنىڭ بارلىعى جۇلدەلى ورالعان. ياعني, ەل قورجىنىندا 5 التىن جانە 1 كۇمىس, 1 قولا.
اقمولا وبلىسى