پرەمەر-مينيستر اسقار مامين شانحاي ىنتىماقتاستىق ۇيىمىنا (شىۇ) مۇشە مەملەكەتتەردىڭ ۇكىمەت باسشىلارى كەڭەسىنىڭ (ۇبك) وتىرىسىنا قاتىسۋ ءۇشىن تاشكەنت قالاسىنا جاساعان ساپارى بارىسىندا اۋعانستان پرەمەر-ءمينيسترى ابدۋللا ابدۋللامەن ەكىجاقتى كەزدەسۋ وتكىزدى. بۇل تۋرالى primeminister.kz حابارلادى.
ء«بىز اۋعانستانمەن ءوزارا ءتيىمدى ىنتىماقتاستىقتى نىعايتۋعا جانە ارتتىرۋعا ەرەكشە كوڭىل بولەمىز. بۇعان كوپ جىلدار بويى جالعاسىپ كەلە جاتقان ەكىجاقتى ساياسي ديالوگتىڭ جوعارى دەڭگەيى دالەل بولا الادى», — دەدى ا. مامين.
كەلىسسوزدەر بارىسىندا قر-نىڭ اير-مەن ساۋدا-ەكونوميكالىق جانە ينۆەستيتسيالىق ىنتىماقتاستىعى, قازاقستاندىق بيزنەستىڭ اۋعانستاننىڭ ەنەرگەتيكا, قۇرىلىس, اۋىل شارۋاشىلىعى, تاۋ-كەن ءوندىرىسى جانە مۇناي-گاز ونەركاسىبى, كولىك سالاسىن دامىتۋعا قاتىسۋى ماسەلەلەرى قارالدى.
ا. ابدۋللا قازاقستانعا كورسەتكەن گۋمانيتارلىق جانە باسقا دا كومەكتەرى, ونىڭ ىشىندە اير دامىتۋ بويىنشا رەسمي كومەك جەلىسى بويىنشا جانە قازاقستاندىق جوعارى وقۋ ورىندارىندا, ورتا ارنايى جانە كاسىپتىك وقىتۋ مەكەمەلەرىندە اۋعانستاندىق مامانداردى دايارلاۋداعى كومەگى ءۇشىن العىسىن ءبىلدىردى.
تاراپتار ەكىجاقتى جانە وڭىرلىك ىنتىماقتاستىقتىڭ وزەكتى ماسەلەلەرى بويىنشا ديالوگتى دامىتۋ تۋرالى كەلىسىمگە كەلدى.