پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ بۇۇ-نىڭ قازاقستانداعى تۇراقتى ۇيلەستىرۋشىسى نوريماسا شيمومۋرا باسقارعان ۇيىمنىڭ ەلدە تىركەلگەن اگەنستۆولار مەن باعدارلامالاردىڭ باسشىلارىمەن كەزدەستى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
كەزدەسۋ بارىسىندا 2015 جىلى ماقۇلدانعان جانە 17 عالامدىق ورنىقتى دامۋ ماقساتتارىن (ودم) قامتيتىن ورنىقتى دامۋ سالاسىنداعى 2030 جىلعا دەيىنگى كۇن ءتارتىبىن قازاقستاندا ىسكە اسىرۋ ماسەلەلەرى تالقىلاندى. ءا.سمايىلوۆ ءوز سوزىندە 2030 جىلعا دەيىنگى كۇن ءتارتىبىن جۇزەگە اسىرۋ وزەكتى عالامدىق پروبلەمالارىن شەشۋدە باستى ءرول اتقاراتىنىن اتاپ كورسەتتى.
وتىرىسقا قاتىسۋشىلار قازاقستاندا ودم جۇزەگە اسىرۋ جانە لوكاليزاتسيالاۋ بارىسى بويىنشا پىكىر الماستى, قول جەتكىزگەن وڭ ناتيجەلەردى اتاپ ءوتتى جانە وسى ماقساتتاردى ودان ءارى ىسكە اسىرۋداعى پروبلەمالاردى ايقىندادى.
وسى ورايدا قر پرەمەر-ءمينيسترىنىڭ ءبىرىنشى ورىنباسارى ءوزى باسشىلىق ەتەتىن جانە قۇرامىنا مۇددەلى مەملەكەتتىك ورگاندار مەن بۇۇ ەلدىك ءوفيسىنىڭ وكىلدەرى كىرەتىن ورنىقتى دامۋ ماقساتتارىن جۇزەگە اسىرۋ بويىنشا ۇيلەستىرۋ كەڭەسىنىڭ شەڭبەرىندەگى جۇمىستى جانداندىرۋ قاجەتتىگىنە نازار اۋداردى.
كەزدەسۋ قورىتىندىلارى بويىنشا ءا.سمايىلوۆ بۇۇ وكىلدەرىنىڭ بارلىق ۇسىنىستارى مەن ۇسىنىمدارى ءتيىستى مەملەكەتتىك ورگاندارعا جان-جاقتى تالداۋ جانە اعىمداعى جۇمىستا پايدالانۋ ءۇشىن جولداناتىنىن مالىمدەدى.