قازاقستاندىق ەرەجەسىز جەكپە-جەك شەبەرى قۋات حاميتوۆ ءوزىنىڭ كەلەسى كەزدەسۋىن 14 جەلتوقساندا رەسەيدىڭ سوچي قالاسىندا وتكىزەدى. ول Gorilla Fighting Championship تۋرنيرىندە جەرگىلىكتى سپورتشى رۋسلان تەدەەۆپەن ايقاسادى.
«نايمان» دەگەن بۇركەنشىك ەسىممەن ايقاس الاڭىنا شىعىپ جۇرگەن 31 جاستاعى قۋات حاميتوۆ وسى كۇنگە دەيىن 26 كەزدەسۋ وتكىزىپ, 20 رەت جەڭىسكە جەتتى. ول گرەك-ريم كۇرەسىنەن بىرقاتار رەسپۋبليكالىق جارىستاردىڭ جەڭىمپازى جانە جۇلدەگەرى. ءوزىنىڭ سوڭعى باسەكەسىن ۇستىمىزدەگى جىلدىڭ ءساۋىر ايىندا رەسەيدىڭ مىتيششي قالاسىندا Fight Nights Global نۇسقاسى بويىنشا چەمپيوندىق بەلبەۋ ءۇشىن ازىربايجاندىق ناريمان ابباسوۆقا قارسى وتكىزىپ, ۇپاي سانىمەن ۇتىلدى.
قۋاتتىڭ قارسىلاسى جايىندا ايتار بولساق, 29 جاستاعى رۋسلان تەدەەۆ 14 مارتە ايقاس الاڭعا شىعىپ, 9 رەت جەڭىس تويىن تويلادى. ول ماسكەۋ وبلىسىنىڭ تۋماسى. سوڭعى جەكپە-جەگىن 6 ماۋسىمدا ءوزىنىڭ جەرلەسى سەرگەي لەپيسكيحكە قارسى وتكىزىپ, ايقىن باسىمدىق تانىتتى.