ءىىم القاسىنىڭ كەڭەيتىلگەن وتىرىسىندا ەل پرەزيدەنتى بەلگىلەگەن تاعى باسىم باعىتتاردىڭ ءبىرى – جول قاۋىپسىزدىگىن ءتيىستى دەڭگەيدە قامتاماسىز ەتۋ, ونىڭ ىشىندە جول-كولىك وقيعاسى سالدارىنان قازا تاپقان ازاماتتاردىڭ سانىن ازايتۋ بولىپ تابىلادى.
ماڭعىستاۋدا 9 اي قورىتىندىسى بويىنشا جول-كولىك وقيعاسىنىڭ سانى 4,1%-عا (195- 203), سونداي-اق ونىڭ سالدارىنان جاراقاتتانعاندار 14,0%-عا (242- 276) وسكەنىمەن, قازا بولعاندار سانى 13,7%-عا (51- 44) تومەندەدى.
جول-كولىك وقيعالارىنىڭ الدىن الۋ ماقساتىندا اۆتوجولداردا 13 بيلبورد, سونداي-اق پاترۋلدىك اۆتوكولىكتەردىڭ 7 ماكەتى جانە جاياۋ جۇرگىنشىلەر وتكەلدەرىنىڭ جانىندا «پوليتسيا» جانە «بالالار» ۇلگىسىندەگى 15 ماكەت ءوز كۇشتەرىمەن ورنالاستىرىلدى. اقتاۋ-جاڭاوزەن, اقتاۋ-بەينەۋ باعىتتى اۆتوجولدارىنىڭ جول جابىنىن جاقسارتۋعا جانە جىلدامدىق رەجيمىن بۇزۋشىلىقتارعا بايلانىستى رەسپۋبليكالىق ماڭىزداعى تراسسالاردا جول-كولىك وقيعاسىنىڭ ءوسۋىن ەسكەرە وتىرىپ, وبلىستىڭ 9 نەگىزگى اۆتوكولىك جولدارىندا 34 جىلدامدىق ولشەگىش قۇرالىن ورناتۋ قاجەت.
پوليتسيا دەپارتامەنتى باسشىسى, جولدارداعى اپاتتىلىقتى تومەندەتۋ ماقساتىندا اقتاۋ-جاڭاوزەن جانە اقتاۋ-بەينەۋ باعىتتارىندا رەيستىك مارشرۋتتاردى اشۋدى ۇسىندى.
نەگىزىنەن جول اپاتىن كوپ جاعدايلاردا ەركىن جايىلىمدا, قاراۋسىز جۇرگەن مال جانۋارلار اسەر ەتۋدە.
نەگىزگى اۆتوجولدار بويىندا ورنالاسقان بارلىق شارۋا قوجالىقتارىنىڭ يەلەرىمەن مالداردى تاڭبالاۋ نەمەسە چيپتەۋ بويىنشا جۇمىستار جۇرگىزىلىپ, سونداي-اق شارالار بارىسىندا تاۋلىكتىڭ قاراڭعى ۋاقىتىندا جايۋ كەزىندە ارنايى شاعىلىستىراتىن لەنتالاردى پايدالانۋ قاجەتتىگى تۋرالى جەتكىزىلدى.
ءاربىر بەسىنشى جول-كولىك وقيعاسى جۇرگىنشىلەر وتكەلىندە جاسالۋدا, وسىعان بايلانىستى تامىز ايىندا دەپارتامەنتتىڭ قاراجات ۇنەمدەۋ ەسەبىنەن ەكسپەريمەنت تۇرىندە اقتاۋ قالاسىنىڭ 14-15 شاعىن اۋداندارىنا ارنايى تەرموپلاستيكتەرمەن, جارىق شاعىلىستىراتىن ەلەمەنتتەرى بار – 2 جاياۋ جۇرگىنشى وتكەلى ورنالاستىرىلدى. جاڭا ۇلگىدەگى جابدىقتالعان جاياۋ جۇرگىنشىلەر وتكەلىندە بىردە-ءبىر جاياۋ جۇرگىنشىنى قاعىپ كەتۋ وقيعاسى تىركەلگەن جوق. جول-كولىك وقيعالارىن ازايتۋ ماقساتىندا تۇنگى مەزگىلدەردە جاياۋ جۇرگىنشىلەر وتكەلدەرىن جارىقتاندىرۋ ماسەلەسىن شەشۋ قاجەتتىلىگى ايتىلدى.
پوليتسيا باسشىسى جاياۋ جۇرگىنشى وتكەلدەرىنىڭ ۇستىنەن نۇر-سۇلتان جانە الماتى قالالارىنىڭ تاجىريبەسى كورسەتكەندەي قوسىمشا جارىقتاندىرۋ قاجەت دەپ سانايدى.