ۆەنگريانىڭ استاناسىندا ايەلدەر اراسىندا ءوتىپ جاتقان 23 جاسقا دەيىنگى بالۋاندار اراسىنداعى (U-23) الەم بىرىنشىلىگىندە مارينا سەدنەۆا ءساتتى ونەر كورسەتۋدە.
55 كيلو سالماق دارەجەسىندە سىنعا تۇسكەن جەرلەسىمىزدىڭ تۇساۋكەسەر كەزدەسۋدەگى قارسىلاسى – گۆينەيالىق كۋمبا ساۋ بوز كىلەمگە شىعۋدان باس تارتسا, شيرەك فينالدا ول پولشالىق اليشا ءچيجوۆيچتىڭ (11:0) تاس-تالقىنان شىعاردى.
وكىنىشكە قاراي, وزگە قىزدارىمىز ساتسىزدىككە ۇشىرادى. ءبىز وسىعان دەيىن سۆەتلانا انكيچەۆا (50 كيلو) مەن الەكساندرا زايتسەۆانىڭ (76 كيلو) باستاپقى باسەكەلەردە ۇتىلعانى جايىندا جازعانبىز. ودان كەيىن جارىس جولىنا شىققان داريعا ابەن (59 كيلو) مەن ءالبينا قايىرگەلدينوۆا (68 كيلو) دا جەڭىلىس تاپتى. داريعا رەسەيلىك الەنا ساگاديەۆاعا (2:7) جول بەرسە, ءالبينا جاپونيالىق ماساكا فۋرۋچيگە (0:10) ەسە جىبەردى.
ەندى ولاردىڭ جارىستى جالعاستىرۋى قارسىلاستارىنا بايلانىستى. ەگەر رەسەي مەن جاپونيانىڭ وكىلدەرى فينالعا شىقسا, وندا ءبىزدىڭ قىزدارعا دا مۇمكىندىك تۋىندايدى.