ءازىربايجاندا تمد قورعانىس مينيسترلەرى كەڭەسىنىڭ وتىرىسى اياقتالدى. تاراپتار 2019 جىلعا قورىتىندى جاساپ, 2025 جىلعا دەيىنگى اسكەري ىنتىماقتاستىق تۇجىرىمداماسىنىڭ جوباسىن قاراستىردى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
وتىرىسقا قازاقستان, ءازىربايجان, رەسەي, بەلارۋس, وزبەكستان, تاجىكستان قورعانىس مينيسترلەرى جانە قىرعىزستان قارۋلى كۇشتەرى باس شتابىنىڭ باستىعى قاتىستى.
قاتىسۋشىلار 2025 جىلعا دەيىنگى رادياتسيالىق, حيميالىق جانە بيولوگيالىق جاعدايدى باقىلاۋ مەن باعالاۋدىڭ بىرىككەن جۇيەسىن دامىتۋ باعىتتارىن, نورماتيۆتىك جانە قۇقىقتىق قامتاماسىز ەتۋ ماسەلەلەرىن تالقىلادى. سونداي-اق ءبىلىم بەرۋ, توپوگرافيالىق سالادا بىرلەسكەن ءىس-شارالاردى وتكىزۋ جانە اقپاراتتىق جاريالاۋدا ءوزارا ءىس-قيمىلدى ودان ءارى دامىتۋ ماسەلەلەرىن كوتەردى.
قازاقستان ءۇشىن تمد فورماتىنداعى اسكەري ىنتىماقتاستىقتىڭ نەگىزگى ماقساتى – قورعانىس, اسكەري قاۋىپسىزدىك سالاسىنداعى ءوزارا ءىس-قيمىلدى قولداۋ جانە قاتىسۋشى مەملەكەتتەردىڭ تۇراقتى دامۋى.
كەزدەسۋ قورىتىندىسى بويىنشا قورعانىس مينيسترلەرىنىڭ كەڭەسى كەزەكتى جىلعا ارنالعان بىرلەسكەن ءىس-شارالار كەشەنىن بەكىتتى, سونداي-اق ونىڭ ودان ءارى جۇمىس ىستەۋىنىڭ قارجىلىق اسپەكتىلەرىن جانە اۋە-عارىش قورعانىسى مىندەتتەرىن شەشۋگە بەيىمدەلۋدى قارادى.
سونداي-اق ءازىربايجان پرەزيدەنتى يلحام اليەۆ قاتىسۋشىلاردى قابىلدادى.