1100 پاتەر نۇر-سۇلتان قالاسى, وڭتۇستىك وڭىرلەردەن كوشىپ كەلۋشىلەرگە بەرىلەدى. وبلىستىق قۇرىلىس باسقارماسىنىڭ مالىمەتىنشە, 2025 جىلعا دەيىن وبلىستاعى ءۇش قالادا كوپقاباتتى 200 تۇرعىن ۇيلەردىڭ قۇرىلىسىن باستاۋ جوسپارلاندى.
وسى ۇيلەردەگى 1100 پاتەرلەر نۇر-سۇلتان قالاسى مەن ەڭبەك رەسۋرسى كوپ وڭتۇستىك وڭىرلەردەن قونىستانۋشىلاردى تۇرعىن ۇيمەن قامتۋ ءۇشىن وبلىسىمىزعا باسقا وڭىرلەردەن كوشىپ كەلۋشىلەر ءۇشىن سالىنادى.
ياعني وبلىس ورتالىعىندا 100, ەكىباستۇزدا 50, اقسۋدا 50 كوپقاباتتى ءۇي تۇرعىزىلادى. وسى ۇيلەردەگى 1100 پاتەرلەر نۇر-سۇلتان قالاسى مەن ەڭبەك رەسۋرسى كوپ وڭتۇستىك وڭىرلەردەن قونىستانۋشىلاردى تۇرعىن ۇيمەن قامتۋ ءۇشىن وبلىسىمىزعا باسقا وڭىرلەردەن كوشىپ كەلۋشىلەر ءۇشىن سالىنادى.
سونىمەن قاتار 2 مىڭ جەكە تۇرعىن ۇيلەر سالىنادى. قازىرگى كەزدە ەكىباستۇز جانە اقسۋ قالالارىندا قۇرىلىس باستالىپ تا كەتتى.
قۇرىلىس جۇمىستارىن نۇر-سۇلتان قالاسى مەن ءوز ءوڭىرىمىزدىڭ قۇرىلىس كومپانيالارى قولعا العان. العاشقى ۇيلەر كەلەر جىلدىڭ ناۋرىز ايىندا پايدالانۋعا بەرىلەدى. جوسپار بويىنشا, قۇنى 10,9 ملرد تەڭگە بولاتىن 19 جوبا جۇزەگە اسىرىلماق. بۇل ماقساتقا قارجىنىڭ 8,1 ملرد تەڭگە رەسپۋبليكالىق, 2,8 ملرد تەڭگە وبلىستىق بيۋدجەتتەن بولىنەدى. ءسويتىپ, وبلىس ورتالىعىنداعى دوستىق شاعىن اۋدانىندا 2, ەكىباستۇزداعى №22 شاعىن اۋداندا 10 جانە اقسۋ قالاسىنداعى №4 اۋداندا 7 كوپقاباتتى ۇيلەر بوي كوتەرەدى.
بيىل جوبا اياسىندا ەكىباستۇزعا بارلىعى 2 مىڭنان استام ادام كەلسە, كەلەسى جىلى وبلىسقا شامامەن 6 مىڭ ادام قونىس اۋدارادى دەپ جوسپارلانۋدا. جەكە ۇيلەر دە بەرىلمەك. جالپى, جەكە ۇيلەردىڭ قۇرىلىسى «Nurly Ertis», «نۇرلى جەر» مەملەكەتتىك باعدارلاماسى بويىنشا جۇرگىزىلۋدە.