حالىققا دەگەن قاناتتى قامقورلىق

شىنى كەرەك, تۋعان قازاق­ستانىمىز, تاۋەلسىز مەملە­كە­تىمىز جىل وتكەن سايىن الەۋ­مەتتىك-ەكونوميكالىق جاعى­نان ىرگەسى بەكىپ, كەرەگەسى كە­ڭە­يىپ, الەمدىك قاۋىمداستىق الدىندا بەدەلىن ارتتىرىپ كەلەدى. ءبىزدىڭ داۋلەتىمىزدىڭ وسىنداي بەلەستى بيىككە كوتەرىلۋىنىڭ زاڭدى نەگىزى بار. ولاي دەيتىنىمىز, ەلىمىزدە ءومىر سۇرۋگە قاجەتتىڭ ءبارى دە جاسالعان. ماسەلەن, جولداۋدا ايتىلعان شاعىن بيزنەسكە دەگەن جاناشىرلىقتى مەن وسىعان قوسار ەدىم. ەلباسى نۇرسۇلتان نازارباەۆ نارىق­تىق قاتىناستارعا العاش كوشكەن كەزەڭنەن كاسىپ­كەرلەرگە جاعداي جاساۋ­دى قولعا الدى. مۇنىڭ وڭدى باعىت بولعانىن وسى كۇنى بايقاپ وتىرمىز. وسى شا­عىن جانە ورتا بيزنەس ارقىلى ەڭسەلەرىن كوتەرگەن مەملە­كەت­تەر­دىڭ كوپ ەكەنىن دە بىلەمىز. ال مەملەكەتتىڭ ءال-اۋقاتى ارتسا, ونەر مەن مادەنيەتتىڭ دە شىرايى كىرە بەرەتىنى بەسەنەدەن بەلگىلى. سوندىقتان تۇڭعىش پرەزيدەنتتىڭ ءىسىن بۇگىنگى مەملەكەت باسشىسى قاسىم-جومارت كەمەل ۇلى جالعاستىرىپ, تاعى دا ەكونوميكانى كوتەرۋگە باعىت ۇستا­عا­نى كوڭىلىمىزگە جىلىلىق ۇيالاتتى.

قىسقاسى, بيىلعى جول­داۋ­دىڭ جولدارى حالىققا دەگەن قاناتتى قامقورلىقتىڭ كوپتى­گىمەن ەرەكشە ەستە قا­لا­­دى. ءبىر عانا مىسال كەل­تىرەيىن, جولداۋدا: «ۇكىمەت ۇلتتىق بانكپەن بىر­لە­سە وتىرىپ, زەينەتاقى جۇيە­سى­نىڭ تيىمدىلىگىن ارتتىرۋ جۇمىستارىن جۇرگىزۋى ءتيىس. قازىرگى ۋاقىتتا قىزمەت ەتىپ جاتقان ادام زەي­نەت­اقى قورىن تەك زەينەتكە شىق­قان­نان كەيىن قولدانا الادى. الايدا ولاردىڭ بۇل قاراجاتتى ول كەزگە دەيىن قول­دانعىسى كەلەتىنى تۇسى­نىك­تى. ۇكىمەتكە وسى جىل­دىڭ سوڭىنا دەيىن قىزمەت ەتىپ جاتقان ازاماتتاردىڭ زەينەتاقى قورلارىنىڭ ءبىر بولىگىن ماقساتتى پايدالانۋ, ماسەلەن, باسپانا ساتىپ الۋ, ءبىلىم الۋ ماسەلەسىن قاراستىرۋدى تاپسىرامىن», دەپ مالىمدەدى پرەزيدەنت قاسىم-جومارت توقاەۆ.

بۇل بۇگىنگى تاڭدا ەڭبەك ەتىپ جاتقان بارشا جۇرت ءۇشىن قۋانىشتى حابار ەكەنى ايدان انىق.

راقىمجان تۇرىسبەك,

فيلولوگيا عىلىمدارىنىڭ دوكتورى, پروفەسسور