پرەمەر-ءمينيستردىڭ ورىنباسارى بەردىبەك ساپارباەۆ قىزىلوردا وبلىسىنا جۇمىس ساپارى بارىسىندا تالسۋات اۋىلدىق وكرۋگىندە ورنالاسقان مۇمكىندىگى شەكتەۋلى جاندارعا ارنالعان وڭالتۋ ورتالىعىندا بولدى.
ۆيتسە-پرەمەر مۇگەدەكتەردى وڭالتۋدىڭ زاماناۋي تەحنولوگيالارىمەن تانىستى. مۇندا مۇقتاجدارعا مەديتسينالىق, پسيحولوگيالىق, پەداگوگيكالىق, ەڭبەك جانە تۇرمىستىق قىزمەتتەر كورسەتىلەدى.
ورتالىق 2012 جىلى پايدالانۋعا بەرىلگەن. ونىڭ جالپى اۋماعى 17,6 گەكتار. عيماراتتىڭ اۋدانى 82,6 مىڭ شارشى مەتر. ورتالىقتىڭ ەكى قاباتتى عيماراتى 5 بلوكتان تۇرادى. ولاردىڭ ارقايسىسىندا اسحانا, ەمدەۋ كابينەتى جانە دەمالىس بولمەلەرى ورنالاسقان. ورتالىق تولىعىمەن زاماناۋي كابينەتتەرمەن جابدىقتالعان.مۇندا ەمدەلۋشىلەر بيوۆاننا, سەنسورلىق كابينەتتەردە دە ەم الادى. دەمالىس ءۇشىن اكت زالى, تىگىن شەبەرحاناسى, اعاش بۇيىمدارىن دايىنداۋ شەبەرحاناسى جانە كىتاپحانا جۇمىسى ۇيىمداستىرىلعان.
الەۋمەتتىك قىزمەتكەرلەر كۇنىنە ارنالعان مەرەكەلىك ءىس-شاراعا وبلىس اكىمى قۋانىشبەك ىسقاقوۆ جانە قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى مەن ۆيتسە- پرەمەر بەردىبەك ماشبەك ۇلى قاتىستى.
«سىزدەردىڭ ەڭبەكتەرىڭىز ماڭىزدى كاسىپتەردىڭ ءبىرى . سىزدەر قيىن جاعدايعا دۋشار بولعان ادامدارعا جانە كومەك پەن قولداۋدى قاجەت ەتەتىن جاندارعا قىزمەت ەتەسىزدەر. سىزدەردىڭ كۇندەلىكتى وراسان ەڭبەكتەرىڭىزدىڭ ارقاسىندا ءبىزدىڭ ازاماتتارىمىزدىڭ الەۋمەتتىك جاعدايى جاقسارادى. مەرەكە كۇنى سىزدەردىڭ قاجىرلى ەڭبەكتەرىڭىز, ادامدارعا دەگەن اق پەيىلدەرىڭىز بەن شىنايى ماحابباتتارىڭىز ءۇشىن شىن جۇرەكتەن العىس بىلدىرۋگە رۇقسات ەتىڭىزدەر»,- دەدى ب. ساپارباەۆ.
سونداي-اق, ۆيتسە-پرەمەر كەلەسى جىلدان باستاپ الەۋمەتتىك قىزمەتكەرلەردىڭ جالاقىسى ورتا ەسەپپەن 30 پايىزعا ارتاتىنىن ايتتى.
وبلىستىڭ ۇزدىك الەۋمەتتىك قىزمەتكەرلەرىنە پرەمەر-ءمينيستردىڭ ورىنباسارى مەن وبلىس اكىمىنىڭ العىس حاتتارى, ەڭبەك جانە حالىقتى الەۋمەتتىك قورعاۋ مينيسترلىگىنىڭ «الەۋمەتتىك سالا ۇزدىگى» توسبەلگىلەرى, سونداي-اق, ەستەلىك سىيلىقتار تابىس ەتىلدى.
ورتالىق 1 جانە 2-توپتاعى مۇگەدەكتەرگە ساپالى ارنايى الەۋمەتتىك كومەك كورسەتۋ ءۇشىن قاجەتتى بارلىق زاماناۋي قۇرال جابدىقتارمەن جابدىقتالعان. كورسەتىلگەن قىزمەتتەردىڭ ارقاسىندا سوڭعى 6 جىلدا 57 ارباداعى مۇمكىندىگى شەكتەۋلى جان اياعىنان تۇرعان, 284 ادامنىڭ قول جانە اياق قوزعالىسى جاقسارعان, 170 ادام تۇرمىستىق وزىنە – ءوزى قىزمەت كورسەتۋگە بەيىمدەگەن , 110 جاننىڭ مۇگەدەكتىك توپتاعى كورسەتكىشى تومەندەپ, جۇمىسقا ورنالاستىرىلعان سونىمەن قاتار, 66 ادام ءوز كاسىبىن اشۋعا مۇمكىندىك العان.
ساپالى قىزمەت كورسەتۋمەن بىرگە ورتالىقتا ۇكىمەتتىك ەمەس ۇيىمدارمەن الەۋمەتتىك ماڭىزدى جوبالاردى ىسكە اسىرۋ بويىنشا بىرلەسكەن جۇمىستار دا جۇرگىزىلەدى.