ءبىرىنشى ورتا سالماقتا جۇدىرىقتاساتىن قازاقستاندىق كاسىپقوي بوكسشى, جاستار اراسىنداعى WBC نۇسقاسى بويىنشا التىن بەلبەۋدىڭ يەگەرى سادريددين احمەتوۆ ءوزىنىڭ 10-جەڭىسىنە قول جەتكىزدى.
وسىعان دەيىن توعىز جەكپە-جەك وتكىزىپ, بارلىعىندا باسىمدىق تانىتىپ, سەگىز قارسىلاسىن ەسىنەن تاندىرعان 21 جاستاعى قانداسىمىز بۇل جولعى باسەكەسىن كانادانىڭ كۆەبەك قالاسىندا وتكىزدى. ول 31 جاستاعى مەكسيكالىق دجون ناۆاررەتەمەن جۇدىرىقتاستى. قارسىلاسى سول كۇنگى دەيىن 51 رەت شارشى رينگكە كوتەرىلىپ, 33 ايقاستى ءوز پايداسىنا شەشكەن. 15 كەزدەسۋدى مەرزىمىنەن بۇرىن اياقتادى. 16 رەت جەڭىلىپ, تاعى ەكى جەكپە-جەكتە تەڭ ەسەپ تىركەلدى.
كۆەبەكتەگى كەزدەسۋدىڭ باسىنان-اق تىزگىندى ءوز قولىنا مىقتاپ العان سادريددين احمەتوۆ قارسىلاسىنا ابدەن ساستىردى. مەكسيكالىق بوكسشى دا جانكەشتى ەكەن. ول قايسار قازاقتىڭ اۋىر سوققىلارىن وزىنە قابىلداعانىمەن, كوپكە دەيىن شىداپ باقتى. بىراق سوڭعى سەگىزىنشى راۋندادجون ناۆاررەتە ءوزىنىڭ جەڭىلگەنىن مويىنداپ, رينگكە شىعۋدان باس تارتتى.