2019 جىلدىڭ 9 ايىندا قالادا ءورت شىقپاعانىنا قاراماستان 42 ادام ۋلى گازبەن ۋلاندى. زارداپ شەككەندەردىڭ 26-ى كامەلەتكە تولماعان بالا. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
ەلوردالىق تج دەپارتامەنتىنىڭ قىزمەتكەرلەرى بارلىق ازاماتتاردان ءورت قاۋىپسىزدىگى ەرەجەلەرىن اسا جوعارى ىنتامەن ساقتاۋ قاجەتتىگىن ەسكەرتەدى.
قۇتقارۋشىلار ءار كۇن سايىن جادىنامالار تاراتا ءجۇرىپ, رەيدتەر مەن ارالاۋلار وتكىزەدى. ولاردىڭ بارىسىندا ءار ادام بىلۋگە ءتيىس قاۋىپسىزدىك ەرەجەلەرىن, ۋلى گازدان زارداپ شەگۋشىگە كورسەتىلۋى ءتيىس العاشقى كومەك تۋرالى جانە جىلىتۋ پەشتەرىن دۇرىس قولدانۋدى ۇنەمى ەسكەرتۋدە. الايدا جاسالعان ەسكەرتۋلەرگە قاراماستان, ازاماتتار ءورت قاۋىپسىزدىگىن ساقتاي بەرمەيدى. ماسەلەن, اعىمداعى جىلدىڭ 9 ايىندا ۋلى گازبەن ۋلانۋدان ءورت قاۋىپسىزدىگى تالاپتارىن بۇزۋ سالدارىنان 42 ادام جاراقات الدى, ونىڭ ىشىندە 26 بالا بار.
ۋلانۋدىڭ سەبەبى, نەگىزىنەن, جىلىتۋ پەشىنىڭ اقاۋلىعى بولىپ تابىلادى. اعىمداعى ايدا تجد قىزمەتكەرلەرى 44 مىڭنان استام تۇرعىن ءۇيدى ارالاپ, 76 988 ادامدى قامتىعان, حالىقپەن 224 جينالىس وتكىزدى.
حالىقتىڭ الەۋمەتتىك وسال توپتارىنىڭ ۇيلەرىنە 1 129 داتچيكتەر ورناتىلدى.
جىلىتۋ ماۋسىمىنىڭ باستالۋىنا وراي, قۇتقارۋشىلار ۋلى گاز وتە قاۋىپتى جانە تەز ءارى بىلىنبەي ارەكەت ەتەدى, سوندىقتان ادام ءومىرى مەن دەنساۋلىعى ىستەلگەن شارالاردىڭ جىلدامدىعىنا بايلانىستى ەكەن ەسكە سالادى.
نۇر-سۇلتان قالاسى تجد قاراپايىم ءورت قاۋىپسىزدىك ەرەجەسىن ساقتاۋدى سۇرايدى:
-پەش جاعۋ كەزەڭى الدىندا پەشتەردى جوندەۋ قاجەت, مۇرجالارىن ءبىر ايدا كەم دەگەندە ءبىر رەت كۇيەدەن تازالاپ وتىرىڭىزدار;
-مايلى جانە گازدى تۇرمىس قۇرالدارىن, تاس جانە اعاش پەشتەرىن تەكسەرۋ ءۇشىن جىل سايىن ارنايى ازىرلىكتەن وتكەن شەبەرلەردى شاقىرتىڭىزدار;
-ءورت بولعان جاعدايدا «101» قىزمەتىنە تەلەفون شالۋ كەرەك.