تالدىقورعان قالاسىندا ۆولەيبولدان ايەلدەر اراسىنداعى قازاقستان سۋپەركۋبوگى جولىنداعى جارىس اياقتالدى. بيىلعى جارىستا «جەتىسۋ», «التاي», «ەرتىس-قازحروم» جانە «الماتى» كلۋبتارى باق سىنادى.
«جەتىسۋ» سپورت كەشەنىندە وتكەن جارىستا تالدىقورعاننىڭ «جەتىسۋ» ۆولەيبول كومانداسى توپ جاردى. جارىس قوجايىندارى ءۇش كەزدەسۋدىڭ بارىندە قارسىلاستارىنان باسىم ءتۇسىپ, قازاقستان سۋپەركۋبوگىن جەڭىپ الدى.
جارىس قورىتىندىسى بويىنشا سانا انارقۇلوۆا («التاي») مەن دجوانا پالاسيو مەندوسا («جەتىسۋ») ءتۋرنيردىڭ ەڭ ۇزدىك ويىنشىسى اتاندى. ال سۋپەركۋبوگتى جەڭىپ العان «جەتىسۋ» ازيانىڭ كلۋبتىق چەمپيوناتىندا باق سىناۋ قۇرمەتىنە يە بولدى.