قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا حالىقارالىق تۇركى اكادەمياسىنىڭ ۇيىمداستىرۋىمەن تانىمال عالىم, كورنەكتى مەملەكەت جانە قوعام قايراتكەرى مىرزاتاي جولداسبەكوۆتىڭ « ۇلى دالا ادەبيەتى» كىتابىنىڭ جانە «قورقىت اتا كىتابى» اۋدارماسىنىڭ تانىستىرۋ ءراسىمى ءوتتى. بۇل تۋرالى اكادەميانىڭ ءباسپاسوز قىزمەتى حابارلادى.
القالى جيىنعا مەملەكەتتىك حاتشى قىرىمبەك كوشەرباەۆ, پرەمەر-ءمينيستردىڭ ورىنباسارى بەردىبەك ساپارباەۆ, مەملەكەت جانە قوعام قايراتكەرى ومىربەك بايگەلدى, تۇركيا ەلشىسى نەۆزات ۋيانىك, ازەربايجان ەلشىسى راشاد مامەدوۆ, قىرعىزستان ەلشىسى جەەنبەك كۋلۋباەۆ, حالىقارالىق تۇركى اكادەمياسىنىڭ پرەزيدەنتى دارحان قىدىرالى, قازاقستان حالقى اسسامبلەياسى توراعاسىنىڭ ءبىرىنشى ورىنباسارى جانسەيىت تۇيمەباەۆ, مەملەكەتتىك قىزمەت سالاسىنداعى وڭىرلىك حابى باسقارۋشى كوميتەتىنىڭ توراعاسى ءاليحان بايمەنوۆ, سەنات دەپۋتاتى باقىتجان جۇماعۇلوۆ, ءماجىلىس دەپۋتاتتارى قۋانىش سۇلتانوۆ, باقىتجان ەرتاەۆ, ساۋىتبەك ابدراحمانوۆ, تۇركى كەڭەسى اقساقالدار كەڭەسىنىڭ مۇشەسى ءادىل احمەتوۆ, مەملەكەتتىك سىيلىقتىڭ يەگەرى, جازۋشى اكىم تارازي, مەملەكەتتىك سىيلىقتىڭ يەگەرى, اقىن نەسىپبەك ايت ۇلى, قازاقستان مۇسىلماندارى ءدىني باسقارماسىنىڭ توراعاسى – باس مۋفتي سەرىكباي قاجى وراز, زيالى قاۋىم وكىلدەرى مەن عالىمدار, بىرقاتار باق باسشىلارى قاتىستى.
ايتا كەتۋ كەرەك, ەلباسى ن.ءا.نازارباەۆتىڭ «رۋحاني جاڭعىرۋ» باعدارلاماسى مەن « ۇلى دالانىڭ جەتى قىرى» ماقالاسىندا ايتىلعان تاپسىرمالاردى ايقىنداي تۇسەتىن اتالعان ەكى باسىلىم دا تۇركولوگيا سالاسىنا قوسىلعان باعالى ەڭبەكتەر سانالادى.
اتاپ ايتقاندا, «قورقىت اتا كىتابىنىڭ» مىرزاتاي جولداسبەكوۆتىڭ گ ۇلىم شاديەۆامەن بىرلەسىپ جاساعان اۋدارماسىندا ايگىلى تاريحي شىعارما درەزدەن نۇسقاسى بويىنشا تۇڭعىش رەت قازاق تىلىنە تولىق اۋدارىلىپ, ترانسكريپتسياسى مەن سوزدىگى قوسا ۇسىنىلىپ وتىر.
ال اۆتوردىڭ حالىقارالىق تۇركى اكادەمياسى ازىرلەپ شىعارعان « ۇلى دالا ادەبيەتى» مونوگرافياسىندا كونە تۇركى جازبا ەسكەرتكىشتەرىنە قاتىستى زەرتتەۋلەرىمەن قوسا, قازاق اۋىز ادەبيەتىنىڭ بىرقاتار مۇرالارى تۋرالى ەڭبەكتەرى قامتىلعان.
تۇساۋكەسەر شاراسىنا قاتىسۋشىلار اتالعان ەكى كىتاپ جونىندە ويلارىمەن ءبولىسىپ, پىكىرلەرىن ورتاعا سالدى.