«براكونەر» ءبىراز باسبۇزاردى قۇرىقتادى

زاڭسىز اڭ اۋلاۋدى قۇرىقتاۋ­دىڭ العاشقى ءى0 كۇنىندە 34 زاڭ­سىز اڭشىلىق, 20 زاڭسىز با­لىق اۋلاۋ جانە بالىق اۋلاۋ زاڭ­ناماسىن بۇزۋ, 5 ازاماتتىق قارۋ ساتىپ الۋ, ساقتاۋ, قولدانۋ نەمەسە تاسىمالداۋ تارتىپتەرىن بۇ­زۋ فاكتىلەرى اش­كەرە بولدى. سو­نىڭ ىشىندە جامبىل اۋدانىندا جۇرگىزىلگەن رەيدتىك ءىس-شارا بارىسىندا تابيعاتتى قورعاۋ پوليتسياسى تو­بىنىڭ اعا ينسپەك­تورى, پوليتسيا كاپيتانى دا­مير مۇرساليەۆ بلا­گوۆەششەنكا سەلو­سىنىڭ ما­ڭىندا كۇدىكتى بولىپ كورىنگەن «ۆاز 21214» اۆتوماشيناسىن توق­تاتقان. پوليتسيا قىز­مەتكەرىنىڭ قىراعىلىعى ءسات­تى بولىپ شىعىپ, سالوننان جا­ڭا سويىلعان ءسىبىر ەلىگىنىڭ ەتى شىققان. دالانىڭ سۇلۋ اڭى­نىڭ ءبىرى سانالاتىن بۇل ەلىك ايماقتىق «قىزىل كى­تاپ­­قا» ەنگىزىلگەن. زاڭسىز اڭ اۋلاۋ­شىلاردىڭ كەسىرىنەن قازىر ولاردىڭ سانى دا مۇلدە ازايىپ كەتكەن. سوندىقتان ونى اتۋعا زاڭ­­مەن تيىم سالىنعان. بىراق «اڭ­شىمىز» دەپ ءبارىن دە قىرىپ-جويۋ­عا تىرىساتىندار وعان قاراي ما, تابيعاتتىڭ سۇلۋ جا­رات­قان, وسى­ناۋ جازىقسىز جانۋارىن وققا ىلىكتىرىپتى.

وزدەرىنىڭ ايتۋلارىنا قا­را­عان­دا ۇس­تالعاندار ەلىكتى «ۋكراين­س­كوە» سەلوسىنىڭ ما­ڭىن­دا كورىپ, ۇي­لەرىنەن مىلتىق الىپ شى­عىپ, بىرنەشە ساعات بويى سو­ڭىنا ءتۇسىپ, اتقان ەكەن. قا­لادان كەلىپ اڭشىلىق قۇرعان ەرىك­كەندەر ەمەس, ءبىرى جۇرگىزۋشى, ءبىرى مەحاني­زاتور بولىپ ىستەيتىن وسى اۋىل تۇر­عىن­دارىنىڭ اڭدى كوزى قيىپ قا­لاي اتقانىنا تاڭعا­لاسىڭ...

ەندى زاڭسىز اڭ اۋلاۋشىلار قازاقستان رەسپۋبليكاسى قىل­مىس­تىق كودەكسىنىڭ زاڭسىز اڭ­شىلىق فاكتىسىنە جازا قاراس­تىراتىن 337-بابى بويىنشا سوت­قا دەيىنگى تەرگەپ-تەكسەرۋ­لەر­دىڭ بىرىڭعاي تىزىلىمىنە ەنىپ, تاع­­دىر­لارى سوتتىڭ شەشىمىنە تاۋەل­دى بولىپ وتىر. ازىرگە ولار­عا بۇل­تارتپاۋ شاراسى قولدا­نىل­عان.

جپش ناتيجەسىندە زاڭسىز اڭ اۋلاۋشىلىق قانا ەمەس, «بالىق رەسۋرستارىن, باسقا دا سۋ جانۋارلارىن نەمەسە وسiمدiكتەرىن زاڭسىز اۋلاۋ», «اعاشتار مەن بۇتالاردى زاڭسىز كەسۋ» باپتارى بويىنشا دا ءتارتىپ بۇزىپ, قىلمىس جاساعان­داردا انىقتالعان. سونىڭ ىشىندە تابيعاتتى قورعاۋ زاڭناماسىن بۇز­عان 56 قۇقىق بۇزۋشى اكىمشى­لىك جاۋاپ­كەرشىلىككە تارتىلدى.

سولتۇستىك قازاقستان وبلىسى