ەلىمىزدە جان باسىنا شاققانداعى كاسىپكەرلىكتەن تۇسكەن پايدا ازايىپ بارادى. ەسەسىنە جالدامالى جۇمىسشىلاردىڭ جالاقىسى كوبەيىپ كەلەدى.
الدىن الا ستاتيستيكاعا سۇيەنسەك, 2019 جىلعى تامىزدا حالىقتىڭ ورتا ەسەپپەن جان باسىنا شاققانداعى اقشالاي تابىسى 103 816 تەڭگەنى قۇراماق. بۇل بىلتىرعى تامىزبەن سالىستىرعاندا 9,5 پايىزعا جوعارى كورسەتكىش. ينفلياتسيانى شەگەرىپ تاستاساڭىز, ناقتى اقشالاي تابىس 3,8 پايىزعا كوبەيىپ وتىر.
ستاتيستيكا كوميتەتىنىڭ مالىمەتىنشە, بىلتىر حالىقتىڭ جان باسىنا شاققانداعى اقشالاي تابىسى ءار توقسان سايىن تۇراقتى تۇردە وسكەن. ماسەلەن, ءبىرىنشى توقساندا ورتا ەسەپپەن 86 مىڭ تەڭگەنىڭ اينالاسىندا بولسا, ەكىنشى توقساندا 90-91 مىڭ تەڭگە, ءۇشىنشى توقساندا 95 مىڭ تەڭگەگە جەتەر-جەتپەس بولىپ, جىل سوڭىندا 101-103 مىڭ تەڭگەگە جەتتى. وسىلايشا, ءبىر جىلدا شامامەن 15 پايىزعا ۇلعايدى. ال بيىلعى جاعداي كەرىسىنشە. بىلتىر جەلتوقساندا 101 مىڭ تەڭگە بولعان ورتاشا تابىس بيىلعى ءبىرىنشى توقساندا 97 مىڭ تەڭگەگە تومەندەدى. ەكىنشى توقساننىڭ باسىندا قايتادان 103,9 مىڭ تەڭگەگە كوتەرىلگەنىمەن, ودان كەيىنگى ايلاردا تيىسىنشە 103,8 مىڭ, 103,7 مىڭعا دەيىن تومەندەپ, شىلدە ايىندا 103,5 مىڭ تەڭگەگە قۇلدىرادى. تامىز ايىندا عانا 103,8 مىڭ تەڭگەگە قايتا كوتەرىلدى.
ستاتيستيكا كوميتەتىنىڭ مالىمەتىنشە, قىركۇيەكتە قىزمەتكەرلەردىڭ ورتاشا جالاقىسى 188 634 تەڭگەنى قۇرادى. ءبىر ايتا كەتەرلىگى, كوكتەمنەن بەرى جالاقىمەن كۇن كورەتىن حالىقتىڭ تابىسى تۇراقتى ۇلعايىپ كەلە جاتقانى بايقالادى. ماسەلەن, مامىر ايىندا حالىقتىڭ اقشالاي تابىسىنىڭ 70,9 پايىزى جالاقىعا تيەسىلى بولسا, تەك 11,2 پايىزى عانا كاسىپكەرلىكتەن تۇسكەن تابىستىڭ ۇلەسىندە. قالعان 17,2 پايىزى الەۋمەتتىك كومەككە تيەسىلى.
جاز باستالىسىمەن كورسەتكىش قۇبىلا باستادى. ماۋسىم ايىندا اقشالاي تابىستاعى جالاقىنىڭ ۇلەسى 71,1 پايىزعا, شىلدە ايىندا 71,9 پايىزعا كوبەيگەنىمەن, تامىزدا قايتادان 71 پايىزعا تومەندەپ كەتتى.
پرەزيدەنتتىڭ الەۋمەتتىك تولەمدەردى كوبەيتكەنى حالىقتىڭ الەۋمەتتىك تولەمدەرگە ارقا سۇيەۋىنە تۇرتكى بولدى دەي المايمىز. سەبەبى مامىر ايىندا حالىقتىڭ اقشالاي تابىسىنداعى الەۋمەتتىك تولەمدەردىڭ ۇلەسى 17,2 پايىز بولسا, جازدىڭ العاشقى ەكى ايىندا تيىسىنشە 17 پايىزعا جانە 16,7 پايىزعا ءتۇستى. تامىز ايىندا عانا كۇرت كوبەيىپ, 17,6 پايىزعا جەتتى.
ال كاسىپكەرلىكتەن تۇسكەن تابىس بيىل جاز بويى تۇراقتى تۇردە تومەندەپ كەلە جاتىر. حالىقتىڭ اقشالاي تابىسىنداعى كاسىپكەرلىكتەن تۇسكەن كىرىس مامىر ايىندا 11,2 پايىزدى قۇراسا, ماۋسىم ايىندا 11,1 پايىزدى, شىلدەدە 10,7 پايىزدى قۇرادى. ال تامىزدا ءتىپتى 10,5 پايىز عانا بولدى. جالپى, حالىقتىڭ تابىسى تۇراقتى تۇردە ءوسىپ كەلە جاتقانىن ەسكەرسەك, كاسىپكەرلىك قىزمەتتەن تۇسكەن تابىستىڭ تۇراقتى تومەندەۋى حالىقتى جاپپاي شاعىن جانە ميكروبيزنەسكە تارتۋعا كەرى اسەر ەتەتىن سەكىلدى. ناقتىراق ايتقاندا, كاسىپكەرلىكتەن تۇسكەن تابىستىڭ ازايۋى مەن جالدامالى جۇمىسشىلاردىڭ جالاقىلارىنىڭ كوبەيۋى حالىقتى كاسىپكەرلىككە ەمەس, كەرىسىنشە كاسىبي مامان بولۋعا يتەرمەلەي تۇسپەك.