پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا استىق جيناۋ ناۋقانىنىڭ قورىتىندىلارى قارالدى. بۇل تۋرالى primeminister.kz حابارلادى.
اۋىل شارۋاشىلىعى ءمينيسترى س. وماروۆ مۇنداعى جاعداي تۋرالى بايانداپ بەردى. قازىرگى تاڭدا جالپى 15,2 ملن گا ءداندى-داقىل القابىنىڭ 15,1 ملن گا جينالدى, بۇل 99,2% قۇرايدى. ورتاشا ءونىم الۋ 12,6 تس/گا بولعاندا, 19,1 ملن توننا استىق باستىرىلدى.
«بيىل اۋا رايىنىڭ جايسىز بولۋىنا بايلانىستى ءبىز وتكەن جىلمەن سالىستىرعاندا بۋنكەرلىك سالماعىندا 2 ملن تونناعا كەم استىق جينادىق. اۋىل شارۋاشىلىعى مينيسترلىگىنە نانعا باعانى تۇراقتاندىرۋ ءۇشىن ازىق-ت ۇلىك كەلىسىمشارت كورپوراتسياسىمەن استىقتى ۋاقىتىلى ساتىپ الۋدى قامتاماسىز ەتۋدى تاپسىرامىن», دەدى ا. مامين.
ۇكىمەت باسشىسى قازاقستانداعى اۋا رايىنىڭ ەرەكشەلىكتەرىن ەسكەرە وتىرىپ, جينالعان استىقتى ساقتاپ قالۋ ءۇشىن بارلىق شارانى قولعا الۋ, نان قابىلداۋ كاسىپورىندارى استىقتى ساقتاۋدى, سونداي-اق ىلعال استىقتى وڭدەۋ مەن كەپتىرۋدى ۋاقىتىلى قابىلداۋدى قامتاماسىز ەتۋى قاجەتتىگىن اتاپ ءوتتى.
پرەمەر-مينيستر اۋىل شارۋاشىلىعى قۇرىلىمدارىنىڭ كەلەسى جىلعا جيىن-تەرىم تۇقىمدارىنا قاجەتتىلىگىن جانە ولاردىڭ ساپاسىن تەكسەرۋدى قامتاماسىز ەتۋدى, جاڭا جيىن-تەرىم استىعىن ەكسپورتتاۋ بويىنشا دايىندىق جۇمىستارى اياسىندا لوگيستيكا ماسەلەلەرىن شەشۋ بويىنشا شارالار قابىلداۋدى, سونداي-اق اۋىل شارۋاشىلىعى داقىلدارىنىڭ جوعارعى ىلعالدىلىعىن ەسكەرۋمەن بيىلعى قازان-قاراشا ايلارىندا استىق پەن تۇقىمدى كەپتىرۋدى جۇرگىزۋ ءۇشىن وبلىستارعا ديزەلدى وتىننىڭ قوسىمشا كولەمىن ءبولۋ ماسەلەسىن قاراستىرۋدى تاپسىردى.