«اتامەكەن» ۇلتتىق كاسىپكەرلەر پالاتاسى بيىل الماتى قالاسى كاسىپكەرلەر پالاتاسى وڭىرلىك كەڭەسىنىڭ مۇشەلىگىنە العاشقى كانديداتتارىن سايلايدى. قاناتقاقتى جوبا جۇزەگە اسىرىلعاننان كەيىن ۇكپ وسى تاجىريبەنى رەسپۋبليكا بويىنشا وڭىرلىك پالاتالارعا تاراتۋدى جوسپارلاپ وتىر.
«قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» قازاقستان رەسپۋبليكاسىنىڭ زاڭىنا سايكەس, وڭىرلىك كەڭەستىڭ مۇشەلەرى سەزد بەكىتكەن تارتىپپەن كاسىپكەرلىك سۋبەكتىلەرى اتىنان دەلەگاتتارىنىڭ تىكەلەي داۋىس بەرۋى ارقىلى سايلانادى. «اتامەكەن»ۇكپ قالىپتاسۋى كەزەڭىندە بەلگىلى ءبىر بيزنەسمەننىڭ قوعامداعى بەدەلى جانە ونىڭ بيزنەسىنىڭ سالالىق ماڭىزىن ەسكە الا وتىرىپ, وڭىرلىك كەڭەستىڭ قۇرامىن قالىپتاستىرۋ ورىندى بولماق. ۇكپ سەزىنىڭ 2018 جىلعى 21 ماۋسىمداعى شەشىمىنە سايكەس, وڭىرلىك كەڭەس مۇشەلەرىنىڭ سايلاۋى قازاقستان رەسپۋبليكاسىنىڭ ۇكپ تورالقاسى شەشىمىمەن ءۇش جىل ىشىندە جۇرگىزىلۋى كەرەك.
الايدا, وسى جىلدىڭ 28 تامىزىندا الماتى قالاسى كاسىپكەرلەر پالاتاسى وڭىرلىك كەڭەسىنىڭ مۇشەلەرى ورتاق ۋاعدالاستىق نەگىزىندە ءوزىن-ءوزى تاراتۋعا شەشىم قابىلداپ, وڭىرلىك كەڭەس مۇشەلىگىنە كانديداتتار سايلاۋىن وتكىزۋدى ۇسىندى.
الماتى قالاسى وڭىرلىك كەڭەسىنىڭ شەشىمىن, سونداي-اق الماتىدا باسقا قالالارمەن سالىستىرعاندا وتاندىق كومپانيالار سانى باسىم (بارلىعى 186 000 كاسىپكەرلىك سۋبەكت جۇمىس ىستەيدى) ەكەندىگى ەسكەرىلە وتىرىپ, ۇكپ وڭىرلىك كەڭەس مۇشەلىگىنە كانديداتتاردى سايلاۋدى پيلوتتىق رەجيمدە الماتى قالاسىندا وتكىزۋ جونىندە شەشىم قابىلدادى. سودان كەيىن ۇكپ تورالقاسى شەشىمى بويىنشا الماتىلىق تاجىريبە بۇكىل رەسپۋبليكاعا تارالاتىن بولادى.
الماتى قالاسى كاسىپكەرلەر پالاتاسىنىڭ وڭىرلىك كەڭەسى مۇشەلىگىنە كانديتتاردان ءوتىنىم قابىلداۋ وسى جىلدىڭ قاراشا ايىنان باستالادى. وسى كۇنى «اتامەكەن» ۇكپ رەسمي سايتىندا جانە رەسمي اككاۋنتتارىندا ۇمىتكەرلەردى تىركەۋگە ارنالعان سىلتەمە جاريالانادى.