قازاقستاننىڭ تۇڭعىش پرەزيدەنتى اگەنتتىكتىڭ تيىمدىلىگىن ارتتىرۋ اياسىندا سىبايلاس جەمقورلىققا قارسى كۇرەستە حالىقارالىق تاجىريبەنى قولدانۋدىڭ ماڭىزدىلىعىن اتاپ ءوتتى. بۇل تۋرالى تۇڭعىش پرەزيدەنت - ەلباسىنىڭ ءباسپاسوز قىزمەتى حابارلادى.
- ءبىز سىبايلاس جەمقورلىققا قارسى جۇيەنى جەتىلدىرۋ ءۇشىن بارلىق قاجەتتى شارالاردى قابىلدادىق. الايدا, شەت ەلدەردىڭ تاجىريبەسىن زەرتتەۋدى جالعاستىرىپ, قىلمىستىڭ وسى تۇرىمەن كۇرەسۋدىڭ وزىق تاجىريبەلەرىن ەنگىزۋىمىز كەرەك, - دەدى نۇرسۇلتان نازارباەۆ.
سونىمەن قاتار, ەلباسى قوعامنىڭ سىبايلاس جەمقورلىققا قارسى ءىس-قيمىل پروتسەسىنە قاتىسۋى قاجەتتىگىنە نازار اۋداردى.
- حالىق سىبايلاس جەمقورلىقپەن بەلسەندى كۇرەسۋى قاجەت. زاڭ بۇزىلعان جاعدايدا ازاماتتار ۋاقتىلى حابارلاۋعا ءتيىس, ال مەملەكەت بەلسەندى ازاماتتاردى قولداۋى كەرەك, - دەدى ەلباسى.
كەزدەسۋ بارىسىندا ا.شپەكباەۆ نۇرسۇلتان نازارباەۆقا ورتالىق مەملەكەتتىك ورگاندارمەن جانە وبلىس اكىمدىكتەرىمەن بىرلەسىپ «ادالدىق الاڭى» جوباسىن ىسكە اسىرۋ بارىسى تۋرالى باياندادى.