پرەمەر-مينيستر اسقار ءماميننىڭ شىعىس قازاقستانعا جۇمىس ساپارى جالعاسۋدا.
بۇگىن ۇكىمەت باسشىسى وبلىس اكىمى دانيال احمەتوۆپەن بىرگە وبلىس اۋماعىندا جۇرگىزىلىپ جاتقان رەسپۋبليكالىق دارەجەدەگى ومبى – مايقاپشاعاي جانە تالدىقورعان – وسكەمەن جولدارىنىڭ قۇرىلىسىمەن تانىسىپ, مەردىگەرلەرمەن سويلەستى.
«بايقاۋىمشا, تالدىقورعاننان وسكەمەنگە دەيىنگى جولدىڭ 880-1073 شاقىرىمىن سالىپ جاتقان «توديني تسەنترال ازيا» كومپانياسىنىڭ ءىسى كوش ىلگەرى ەكەن. ولار ەكى ەسە كوپ جۇمىس تىندىرعان. ال قالباتاۋ – مايقاپشاعاي تراسساسىنىڭ 906-1090 شاقىرىمىندا جۇمىس ىستەپ جاتقان «سپ قازگەرقۇرىلىس» جشس مەن وسى جولدىڭ 1090-شى جانە 1321-ءشى شاقىرىمى ارالىعىن العان «سhina Xing-Xing Group Co LTD» كومپانياسىنا قۇرىلىستى شيراتۋ قاجەت. جۇمىستىڭ كەلەسى جىلعا جوسپارلانعان كولەمى تىم كوپ ەكەنىن ەستەن شىعارماڭىزدار. ەسكەرتىپ ايتارىم, الداعى جىلدىڭ اياعىنا دەيىن بۇل جولدارمەن كولىكتەر ءجۇرۋى ءتيىس. وزگە اباتتاندىرۋ جۇمىستارى كەيىن اتقارىلادى. ەڭ باستىسى – كولىكتەر قوزعالىسىنا جول اشۋ» دەدى اسقار مامين.
شىعىس قازاقستان وبلىسى