روسكوسموس باسشىسى دميتري روگوزين قازاقستان مەن بىرىككەن اراب امىرلىكتەرىنىڭ بايقوڭىر عارىش ايلاعىندا اتاقتى گاگارين الاڭىن قالپىنا كەلتىرۋگە قاتىسۋعا بولاتىندىعىن راستادى.
«گاگارين الاڭى» - نەگىزگى ۇشىرىلىمداردىڭ ءبىرى, اڭىزعا اينالعان العاشقى ۇشىرىلىم, سوندىقتان ونى كەيىنگى كەيىنگە قالدىرۋعا بولمايدى» دەدى رەسەي عارىش اگەنتتىگىنىڭ باسشىسى دميتري روگوزين بۇگىن «بايقوڭىر» قالالىق گازەتىنە بەرگەن سۇحباتىندا.
وسىعان دەيىن روسكوسموس مەملەكەتتىك كورپوراتسياسى مەن رەسەيدىڭ تىكەلەي ينۆەستيتسيالار قورى (رتيق) «بايقوڭىر» عارىش ايلاعىنداعى گاگارين ستارت الاڭىن جاڭارتۋ تۋرالى كەلىسىمگە قول قويعانى حابارلانعان بولاتىن.
«روسكوسموس» ءباسپاسوز قىزمەتىنىڭ حابارلاۋىنشا, جاڭارتۋعا 87 ملن دوللار مولشەرىندە ينۆەستيتسيا تارتىلادى. جوبا اياسىندا عارىش ايلاعىنىڭ №1 ۇشىرۋ الاڭىن (گاگارين ستارت الاڭى) جاڭارتۋ جانە بۇل جەردى «سويۋز-2» تاسىمالداۋشى زىمىراندارىن ۇشىرۋعا پايدالانۋ كوزدەلىپ وتىر. اقپاراتقا سايكەس, رتيق جانە وزگە سەرىكتەستەردىڭ ينۆەستيتسيالارى عارىش ايلاعىنىڭ جەرۇستى ينفراقۇرىلىمىن جاڭارتىپ, رەسەيدىڭ عارىش ونەركاسىبىنىڭ باسەكەگە قابىلەتىن ارتتىرۋعا سەپتىگىن تيگىزەدى. «بۇل پروتسەستىڭ قاتىسۋشىلارىنا كەلەتىن بولساق, بۇل ەڭ الدىمەن رەسەي, قازاقستان, بىرىككەن اراب امىرلىكتەرى. تاراپتاردىڭ جارنالارىنىڭ مولشەرى ءالى بەلگىسىز. بۇل باعدارلامانىڭ قانداي مەرزىمگە ەسەپتەلگەنى, تەحنيكالىق قايتا قۇرۋعا قانشا ۋاقىت قاجەت بولاتىنى تۋرالى ۇشجاقتى فورماتتا قارقىندى پىكىرتالاستار ءوتىپ جاتىر. ورىندالۋ مەرزىمى ءۇش جىل دەپ جوسپارلاپ وتىرمىز. سوندىقتان ءبىز ابۋ-دابي مەن نۇر سۇلتاننان كەلگەن ارىپتەستەرىمىزبەن كەلىسسوزدەردى جالعاستىرامىز» دەدى دميتري روگوزين.
روگوزيننىڭ تۇسىندىرۋىنشە, عارىشكەرلەر عارىشقا 2030 جىلعا دەيىن «گاگارين الاڭىنان ۇشىرىلادى. «مۇمكىن ودان كەيىن دە. قازىر ول جەرگە قاراپايىم «سويۋز-2.1ا» نەمەسە «سويۋز-2.1ب» نەگىزىن ورناتامىز با, الدە كوپتەگەن مامان ۇسىنىپ وتىرعان ەكى ساتىلى راكەتا باعىتىنداعى «سويۋز-6» نەگىزىن ورناتساق پا دەگەن ەكى نۇسقا بار» دەدى «روسكوسموس» باسشىسى. قايتا جاساقتاۋ جۇمىستارى ءۇش جىلعا جالعاسپاق» دەيدى روسكوسموس باسشىسى.
وسى ورايدا دميتري روگوزين «سويۋز-6» راكەتاسى «نازارباەۆ باستاۋىنان» سىنالاتىنىن اتاپ ءوتتى. ال «سويۋز-6» راكەتاسىنىڭ قۇراستىرىلىپ جاتقاندىعى تۋرالى اقپاراتتار جۋىردا عانا بەلگىلى بولعان. بۇعان دەيىن «گاگارين باستاۋىنان» سوڭعى «سويۋز-فگ» راكەتاسى ۇشتى دەگەن اقپارات تاراعان بولاتىن. كەيىن الاڭ مودەرنيزاتسيالاۋعا جابىلدى.
ەستەرىڭىزدە بولسا, رەسەي پرەزيدەنتى ۆلاديمير پۋتين 7 قىركۇيەك كۇنى ەلباسى نۇرسۇلتان نازارباەۆتىڭ رەسەيگە ساپارى كەزىندە «بايتەرەك» عارىشتىق زىمىران كەشەنىنە قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ ەسىمىن بەرۋدى ۇسىنعان بولاتىن.
ارادا اي وتپەي جاتىپ رەسەي جاعى الماقتىڭ دا سالماعى بارىن ەسكەرتىپ وتىر.