سەنات توراعاسى داريعا نازارباەۆا ۇستازداردى كاسىبي مەرەكەسىمەن قۇتتىقتادى, دەپ حابارلادى پارلامەنت سەناتىنىڭ ءباسپاسوز قىزمەتى.
«قۇرمەتتى دوستار!
سىزدەردى ۇستازدار كۇنى – كاسىبي مەرەكەلەرىڭىزبەن شىن جۇرەكتەن قۇتتىقتايمىن!بۇل ارقايسىمىزعا وتە جاقىن, مەيىرىم مەن ىزگىلىك شۋاعى توگىلەتىن مەرەكە. ويتكەنى ۇستاز – بۇل جاي عانا ماماندىق يەسى ەمەس, ادام جان-جۇرەگىمەن تاڭداعان اسا جاۋاپتى, وتە قادىرلى قىزمەت. مۇعالىمنىڭ ماقساتى – ءبىلىمدى ءارى زەردەسى وياۋ, قازىرگى زامانعا لايىق سانالى ۇرپاق تاربيەلەۋ. ءبىزدىڭ بالالارىمىزدىڭ بويىنا جاقسى داعدىمەن قاتار بىلىمگە دەگەن قۇشتارلىق پەن ءوز-وزىنە سەنىمدىلىكتى, ءىس-ارەكەتىنە جاۋاپكەرشىلىكپەن قاراۋ قاسيەتىن ءسىڭىرۋ بۇگىنگى كۇندە ماڭىزدى بولىپ وتىر.
ءبىز قازاقستاندىق ۇستازداردى شىن جۇرەكتەن ماقتان تۇتامىز. بۇگىنگى مەرەكە – بۇل بارلىق وقۋشىلارعا, قازىر وقىپ جاتقان وقۋشىلارعا دا, مەكتەپ تۇلەكتەرىنە دە ءوز ۇستازدارىنا ريزاشىلىعىن جەتكىزۋدىڭ تاماشا مۇمكىندىگى.
سىزدەرگە زور دەنساۋلىق, باق-بەرەكە جانە جاڭا تابىستار تىلەيمىن!
وقۋشىلار ءوز جەڭىستەرىمەن جانە جەتىستىكتەرىمەن قۋانتسىن!», دەلىنگەن قۇتتىقتاۋدا.