مادەنيەت جانە سپورت ءمينيسترى اقتوتى رايىمقۇلوۆا كəسىپقوي بوكسشى گەننادي گولوۆكيندى ورتا سالماقتا IBF جəنە IBO التىن بەلبەۋلەرىن جەڭىپ الۋىمەن قۇتتىقتادى. بۇل تۋرالى مينيستر ءوزىنىڭ فەيسبۋكتەگى پاراقشاسىندا جازدى.
«قۇرمەتتى گەننادي! وسى جەكپە-جەكتى اسىعا كۇتكەن بارشا جانكۇيەرلەردىڭ جانە جەكە ءوزىمنىڭ اتىمنان كəسىپقوي شارشى الاڭ تورىندەگى جەڭىسىڭىزبەن قۇتتىقتايمىن. ۋكراينالىق سەرگەي دەرەۆيانچەنكومەن وتكەن كەزدەسۋدە جەڭىسكە دەگەن قۇلشىنىسقا تولى مۇقالماس قاجىر-قايراتىڭىز, كاسىبي شەبەرلىگىن ساقتاعان سپورتشى ەكەنىڭىزدى كورسەتتىڭىز. بۇگىنگى تالاسسىز جەڭىسىڭىزبەن قازاق ەلى əلەمدىك بوكس الپاۋىتتارى ليدەرلەرىنىڭ ءبىرى ەكەنىن تاعى دا دəلەلدەي ءتۇستىڭىز. ءسىزدىڭ جارقىن جەڭىستەرىڭىز جاس سپورتشىلارعا ۇلگى. بۇل ەلىمىزدەگى بوكستىڭ دامۋىنا, جاستاردى ۇلى جەڭىستەرگە ىنتالاندىرۋعا ۇلكەن العىشارت. تۋعان ەلدىڭ تۋىن جەڭىسىمەن جەلبىرەتكەن ازامات رەتىندە ريزاشىلىعىمدى جەتكىزە وتىرىپ, الداعى ۋاقىتتا دا ەلىمىزدى قۋانتا بەرەتىنىڭىزگە شىن نيەتپەن سەنىم بىلدىرەمىن» دەلىنگەن اقتوتى رايىمقۇلوۆانىڭ Facebook-تەگى قۇتتىقتاۋىندا.
ەسكە سالا كەتسەك, بۇگىن نيۋ-يوركتەگى Madison Square Garden ارەناسىندا قازاقستاندىق كاسىپقوي بوكسشى گەننادي گولوۆكين (39-1-1, 35 كو) ۋكراينالىق سەرگەي دەرەۆيانچەنكومەن (13-1, 10 كو) جەكپە-جەك وتكىزىپ, ودان ۇپاي سانىمەن باسىم ءتۇستى.