سەنات توراعاسى داريعا نازارباەۆا وقىتۋشىلاردى كاسىبي مەرەكەسىمەن قۇتتىقتادى. بۇل تۋرالى سەناتتىڭ ءباسپاسوز قىزمەتى حابارلادى.
«سىزدەردى ۇستازدار كۇنى – كاسىبي مەرەكەلەرىڭىزبەن شىن جۇرەكتەن قۇتتىقتايمىن! بۇل ارقايسىمىزعا وتە جاقىن, مەيىرىم مەن ىزگىلىك شۋاعى توگىلەتىن مەرەكە. ويتكەنى ۇستاز – بۇل جاي عانا ماماندىق يەسى ەمەس, ادام جان-جۇرەگىمەن تاڭداعان اسا جاۋاپتى, وتە قادىرلى قىزمەت», - دەدى سەنات توراعاسى.
سپيكەردىڭ ايتۋىنشا, «مۇعالىمنىڭ ماقساتى – ءبىلىمدى ءارى زەردەسى وياۋ, قازىرگى زامانعا لايىق سانالى ۇرپاق تاربيەلەۋ. ءبىزدىڭ بالالارىمىزدىڭ بويىنا جاقسى داعدىمەن قاتار بىلىمگە دەگەن قۇشتارلىق پەن ءوز-وزىنە سەنىمدىلىكتى, ءىس-ارەكەتىنە جاۋاپكەرشىلىكپەن قاراۋ قاسيەتىن ءسىڭىرۋ بۇگىنگى كۇندە ماڭىزدى بولىپ وتىر».
ء«بىز قازاقستاندىق ۇستازداردى شىن جۇرەكتەن ماقتان تۇتامىز. بۇگىنگى مەرەكە – بۇل بارلىق وقۋشىلارعا, قازىر وقىپ جاتقان وقۋشىلارعا دا, مەكتەپ تۇلەكتەرىنە دە ءوز ۇستازدارىنا ريزاشىلىعىن جەتكىزۋدىڭ تاماشا مۇمكىندىگى. سىزدەرگە زور دەنساۋلىق, باق-بەرەكە جانە جاڭا تابىستار تىلەيمىن! وقۋشىلار ءوز جەڭىستەرىمەن جانە جەتىستىكتەرىمەن قۋانتسىن!» - دەدى داريعا نازارباەۆا.