قازاقستان رەسپۋبليكاسى «اتامەكەن» ۇكپ باسقارما توراعاسى ابىلاي مىرزاحمەتوۆ پەن باسقارما توراعاسىنىڭ ءبىرىنشى ورىنباسارى ەلدار جۇماعازيەۆ جاڭاوزەن قالاسىنىڭ كاسىپكەرلەرىمەن كەزدەستى. بۇل تۋرالى «اتامەكەن» ۇكپ ماڭعىستاۋ وبلىسى فيليالىنىڭ ءباسپاسوز قىزمەتى حابارلادى.
كەزدەسۋ بارىسىندا ىسكەرلەر جەر, گاز, تەندەر, قۇرىلىس سالاسىنداعى ماسەلەلەرىن ورتاعا سالدى. وسى جاعدايلاردى كاسىپكەرلەر پالاتاسىمەن بىرلەسىپ شەشۋدى ۇسىندى.
- ماڭعىستاۋ وبلىسىندا تەك قانا مۇناي سالاسىن ەمەس, نەگىزىنەن ءۇش سالادا: تۋريزم, اۋىل شارۋاشىلىعى جانە يمپورت الماسۋدى دامىتۋىمىز كەرەك. وسى باعىتتا جوسپارلارىڭىز, ويلارىڭىزدى ءبىلۋ ماقساتىندا كەلىپ وتىرمىز. جاقىندا مونوقالالارداعى كاسىپكەرلەر ءتىزىمىن جاساقتايمىز. ماسەلەن, «وزەنمۇنايگاز» كومپانياسى ساتىپ الۋلارىندا سول تىزىمدەگى كاسىپكەرلەردىڭ وتاندىق ءونىمىن الۋى قاجەت بولادى. كاسىپكەرلەردى وسىلايشا وزدەرىمىز قولداپ وتىرۋىمىز قاجەت,- دەدى قر «اتامەكەن» ۇكپ باسقارما توراعاسى ابىلاي مىرزاحمەتوۆ.
جاڭاوزەن قالاسىنىڭ اكىمى ماقسات يباعاروۆتىڭ ايتۋىنشا, جاڭاوزەن قالاسىندا شاعىن جانە ورتا بيزنەس سۋبەكتىلەرى 7500-گە جەتتى. ولاردا 21 مىڭ ادام جۇمىسپەن قامتىلعان. «باستاۋ بيزنەس» جوباسىمەن بيىل 200 ادام وقىپ شىقتى. قايتارىمسىز گرانتتارعا 53 كاسىپكەر قول جەتكىزدى. «جاس كاسىپكەر» باعدارلاماسىمەن 110 جاس ءبىلىم الدى. بولاشاقتا ءوز كاسىپتەرىن اشۋعا سەپتىگىن تيگىزبەك.
سونداي-اق, «اتامەكەن» ۇكپ بىرنەشە ماماندارىنان قۇرىلعان جۇمىس توبى جاڭاوزەندە ەكى اپتا بويى جۇمىس ىستەپ, مۇنايلى شاھاردىڭ كاسىپكەرلەرىمەن ءجىتى قارىم-قاتىناس ورناتىپ, تۇيىتكىلدى ماسەلەلەرىن تولىق زەرتتەپ, كەڭەس بەرىپ, تاجىريبەلەرىمەن بولىسپەك.
باسقوسۋدا جەرگىلىكتى كاسىپكەر دوساي تاڭاتاروۆ «سامۇرىق-قازىنا» اق تالاپتارىنىڭ كاسىپكەرلەرگە ءبىرشاما قولبايلاۋ بولىپ وتىرعانىن جاسىرمادى. تەندەر ماسەلەسىندەگى قيىندىقتار ۋاقىت وزدىرماي شەشىلسە دەگەن ۇمىتتە.
جاڭاوزەندىك كاسىپكەرلەردىڭ مۇڭ-مۇقتاجىن ابىلاي يسابەك ۇلى ۇكىمەت دەڭگەيىنە دەيىن كوتەرەتىنىن ايتىپ, ىسكەرلەر ماسەلەسىن بىرلەسىپ شەشۋگە ۋاعدالاستى.
ماڭعىستاۋ وبلىسى