قازاقستاننىڭ قورعانىس مينيسترلىگى 1941-1945 جىلدارى ءىى دۇنيەجۇزىلىك سوعىستا مەرت بولعان قازاقستاندىقتاردىڭ ءمايىتى مەن رەسەي فەدەراتسياسى يۆانوۆ وبلىسى اۋماعىندا جەرلەنگەنى جايلى مالىمەت الدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
مالىمەتتەر يۆانوۆ وبلىسىنىڭ اسكەري كوميسسارياتىنداعى اسكەري جەرلەنگەندەر ەسەبىندەگى دەرەكتەردەن الىنىپ, رەسەيدىڭ قورعانىس مينيسترلىگىنەن قازاقستان قورعانىس مينيسترلىگىنىڭ مەكەن جايىنا جىبەرىلگەن.
تىزىمدە 73 قازاقستاندىق بار. قازاقستاننىڭ ءارتۇرلى وبلىستارى, قالالارى مەن اۋداندارىنىڭ قاتارداعى جاۋىنگەرلەرى, ەفرەيترلەر, سەرجانتتارى, كاپيتاندارى مەن ستارشينالارى يۆانوۆ, كومسومولسك, كوحما, پۋچەج, كينەشما, تەيكوۆا قالالارىنىڭ, سونىمەن قاتار, يۆانوۆ وبلىسىنداعى №1 جانە 2-زيراتتارىندا جەرلەنگەن.
وسىعان دەيىن جاۋىنگەرلەردىڭ قازا بولعان جەرلەرى مەن مايىتتەرىنىڭ ورنى بەلگىسىز بولعان ەدى. بۇل مالىمەتتەر قازاقستاندىقتارعا جاقىندارىن تابۋعا سەپتىگىن تيگىزۋى مۇمكىن.
قازاقستاننىڭ قورعانىس مينيسترلىگى ەلىمىزدىڭ وڭىرلەرىندەگى جەرگىلىكتى اسكەري باسقارما ورگاندارى ارقىلى قازا بولعان جاۋىنگەرلەردىڭ تۋعان-تۋىستارىن ىزدەۋ جۇمىستارىن جۇرگىزەدى.