مەملەكەت باسشىسى قاسىم-جومارت توقاەۆتىڭ العاشقى جولداۋىندا زامان تالابىنا ساي ءتيىمدى مەملەكەت, ازاماتتاردىڭ قۇقىقتارى مەن قاۋىپسىزدىكتەرىن نىعايتۋ, قارقىندى دامىعان ەكونوميكا, الەۋمەتتىك جاڭعىرۋدىڭ جاڭا كەزەڭى, قۋاتتى وڭىرلەردىڭ دامۋىنا قاتىستى ماسەلەلەر قوزعالدى.
سول ماسەلەلەردىڭ ىشىندە مادەنيەت قىزمەتكەرلەرىنە دە الەۋمەتتىك جەڭىلدىكتەردىڭ بەرىلەتىنى قۋانتادى. بۇيىرتسا, كەلەر 2020 جىلى مادەنيەت قىزمەتكەرلەرىنىڭ جالاقىسى كوبەيەدى. مەملەكەت باسشىسى ق.توقاەۆ ءوز جولداۋىندا:
ء«بىز مادەنيەت سالاسىندا جۇمىس ىستەيتىن ازاماتتارعا جەتكىلىكتى تۇردە كوڭىل بولمەي وتىرمىز. بۇل – ەڭ الدىمەن كىتاپحانا, مۋزەي مەن تەاتر قىزمەتكەرلەرىنە قاتىستى ماسەلە. ولاردىڭ ەڭبەكاقىسى سوڭعى جىلدارى مۇلدەم كوبەيگەن جوق. سونىڭ سالدارىنان مادەنيەت قىزمەتكەرلەرى, اسىرەسە جاس ماماندار جەڭىلدىگى بار تۇرعىن ءۇي باعدارلامالارىنا قاتىسا المايدى» دەگەن بولاتىن.
بۇل دەگەنىڭىز رۋحانياتقا قىزمەت ەتىپ جۇرگەن مادەنيەت سالاسىنىڭ مايتالماندارىنا جاسالعان زور مۇمكىندىك. قۋانىشتى جاڭالىق! ماسەلەن, ءبىر عانا 1,5 ميلليوننان استام كىتاپ قورى بار ۇلتتىق اكادەميالىق كىتاپحانا قىزمەتكەرلەرىنىڭ الەۋمەتتىك جاعدايى وزگەرەدى.
ال رەسپۋبليكا بويىنشا مەملەكەتىمىزدە ون ءبىر مىڭنان استام كىتاپحانا مەكەمەسى جۇمىس ىستەيدى. ودان بولەك ەلىمىزدىڭ 4 اۋماعىندا كىتاپحاناشىلاردى دايىندايتىن ارنايى فاكۋلتەتتەر بار. ولار: شىمكەنت, كوكشەتاۋ, پاۆلودار جانە ورال قالالارى. اتالعان قالالاردىڭ بارلىعىنان كىتاپحانا ماماندىعىن اياقتاعان جاس ماماندار جۇمىسقا ورنالاسادى. مىنە, سول رۋحانيات شىراقشىلارىنىڭ ماتەريالدىق جانە الەۋمەتتىك قاجەتتىلىكتەرىنە مەملەكەتتىك دەڭگەيدە كومەك كورسەتىلەدى.
سونداي-اق پرەزيدەنت مادەنيەت سالاسى قىزمەتكەرلەرىنىڭ جالاقىسىن كوبەيتۋ جانە الەۋمەتتىك جەڭىلدىكتەر بەرۋ ءۇشىن ۇكىمەتكە تاپسىرما بەردى. ياعني, ءبىلىم بەرۋ مەن دەنساۋلىق ساقتاۋ سالالارىنداعى جەڭىلدىكتەر مادەنيەت مەكەمەسىنىڭ ماماندارىنا دا كورسەتىلمەك.
سونىمەن قاتار پرەزيدەنت قاسىم-جومارت توقاەۆ التىن وردانىڭ 750 جىلدىعىن تويلاي وتىرىپ, ءتول تاريحىمىزعا, مادەنيەتىمىز بەن تابيعاتىمىزعا كوڭىل ءبولۋ كەرەك ەكەندىگىن ايتتى. ياعني, وسى ايتۋلى مەرەكە ارقىلى تابيعاتىمىزعا تۋريستەر نازارىن اۋدارۋ قاجەتتىلىگى دە ايقىن سەزىلىپ وتىر.
مەملەكەت باسشىسى قاسىم-جومارت توقاەۆتىڭ قازاقستان حالقىنا ارناعان جولداۋىندا حالىقتى تولعاندىرعان ماسەلەلەر كوتەرىلدى. سول ءۇشىن دە مەملەكەتتىڭ ءاربىر ازاماتى زور جاۋاپكەرشىلىكپەن جۇمىس اتقارۋى كەرەكتىگىن پرەزيدەنت ءسوز سوڭىندا بىلاي دەپ تۇيىندەگەن بولاتىن:
«مەن ەل تاعدىرىنا جانى اشيتىن ءاربىر ازاماتقا زور سەنىم ارتامىن. قازاقستان – ورتاق شاڭىراعىمىز! مەن ءبارىڭىزدى مەرەيلى مەكەنىمىزدى وركەندەتۋگە ۇلەس قوسۋعا شاقىرامىن».
ءبىزدىڭ مۇددەمىز ءبىر, ماقساتىمىز ايقىن, بولاشاعىمىز كەمەل جانە سول جولدا ەڭبەك ەتە بەرەمىز.
ءۇمىتحان مۇڭالباەۆا,
ۇلتتىق اكادەميالىق كىتاپحانانىڭ باسشىسى, پەداگوگيكا عىلىمدارىنىڭ دوكتورى, پروفەسسور